A gastronomía pontevedresa exhibe o seu potencial no arranque do FERVE Estrella Galicia
Os fogóns do FERVE Estrella Galicia xa traballan ao pleno rendemento. Cunha xornada centrada na gastronomía local comezou este festival, que aúna na Alameda o bo facer de 27 cociñeiros con música e actividades relacionadas coa cultura cervexeira.
Cun brinde por parte das autoridades, entre elas o alcalde de Pontevedra, Miguel Anxo Fernández Lores, arrancou un evento que se estenderá ata o vindeiro domingo cunha ampla programación.
Fíxoo co brioche de boi e mexillón de Rubén González (El Cafetín), os mexillóns en escabeche de laranxa de Marta García (Meigas Fóra), os tacos de millo branco con xarrete estufado de Vicente Tortajada (A Culpa da Gula) e o guiso mariñeiro de Marta Santiago (A Fervella).
Estes foron o primeiros catro petiscos de autor que puido degustar o público, a prezos populares e acompañados polas diferentes cervexas da familia Estrela Galicia.
A música de Baiuca, que actuou no escenario habilitado no recinto do festival xa en horario nocturno, puxo o broche de ouro a esta primeira xornada.
As cociñas volverán acenderse mañá sábado, desde as 12:30 horas, con Diego Guerrero (DSTAgE, Madrid), Pepe Solla (Casa Solla, Poio), Juliano Valese (Toureiro Valese, Brasil), Xanty Elías (Leira Alfoliz, Aljaraque), Carlos Gea (Living, Vigo) e Héctor López (España, Lugo).
López protagonizará ademais un showcooking con produtos de Galicia Calidade, tamén ás doce e media do mediodía, e o concerto matinal será de Guadi Galego (13:30 horas).
Pepe Solla, acompañado de Pedro Revilla, investigador da Misión Biolóxica de Pontevedra, e Ana Lage, meteoróloga en Meteogalicia; compartirán a primeira das charlas FERVE Talks, moderadas pola xornalista Teresa Cuiñas, que versará sobre gastronomía e ciencia.
Tras esa sesión das 11:30 horas, as charlas regresarán xa pola tarde, ás 19:30, cunha mesa redonda sobre comedores comunitarios, a cargo de Javi Olleros, Xanty Elías, Javier R. Ponte “Taky”, Yayo Daporta e Libia Estévez cociñeira do CEIP A Paz Tintureira (Vigo).
A partir das 20:30 horas regresarán os petiscos de autor con Javier Olleros (Culler de Pau, O Grove), Adrián Felípez (Miga, A Coruña), Javier R. Ponte "Taky" (Cátering Boketé, Cambre), Lydia del Olmo e Xosé Magalhães (Ceibe, Ourense), Yayo Daporta (Yayo Daporta, Cambados), Alejandra Herrador e Emanuel Carlucci (Atalaia, Castelló) e Víctor Martín (Trigo, Valladolid).
Unha dobre sesión musical con Marilia Monzón (22:00 horas) e a Banda de Late Motiv (23:15 horas) amenizarán a parte final deste segundo día de FERVE.
Relacionadas:
-
Trucos de cociña a través da ciencia da man de Pepe Solla no IES Valle Inclán
Por Manu Otero |
-
FERVE, a reinvención da romaría galega que congregou máis de 10.000 persoas na Alameda
Por Redacción |
-
Xoel López dálle ao FERVE Estrella Galicia unha masiva despedida na Alameda
Por Redacción & Cristina Saiz |
-
FERVE Estrella Galicia ou como modernizar a romaría galega en plena Alameda de Pontevedra
Por Alejandro Espiño & Cristina Saiz |
-
Música, gastronomía e cultura cervexeira, man a man na primeira edición de FERVE Estrella Galicia
Por Alejandro Espiño |
-
Guía para non perderse nada en FERVE: horarios e programación entre o 16 e o 18 de setembro
Por Redacción |
-
FERVE amplía o seu cartel gastronómico con Yayo Daporta e musical con Guadi Galego
Por Redacción |
-
FERVE, a festa que fusiona música e gastronomía para "reinventar a romaría galega"
Por Alejandro Espiño & Mónica Patxot |