A seca prolongada leva a Marín a pechar as duchas, lavapés e lavamans nas praias
Por Redacción
O Concello de Marín decidiu este venres empezar a tomar medidas ante a situación de seca prolongada que afecta á demarcación hidrográfica Galicia-Costa e, de xeito urxente, xa acordou eliminar a auga das duchas, lavapés e lavamans instalados nas súas praias.
A alcaldesa de Marín, María Ramallo, emitiu un bando este venres que sigue a liña do que tamén dictou o alcalde de Sanxenxo, Telmo Martín, o día anterior, poñer fin ao uso de auga en todas as cuestións que non resultan imprescindibles para a saúde pública.
Así, ademais de actuar nas praias, Marín tamén decidiu suspender os baldeos de espazos públicos.
A alcaldesa explica que se ve na obriga de adoptar estas medidas despois de que Augas de Galicia comunicara a todos os concellos a situación actual de seca prolongada e que estas medidas vanse manter ata novo aviso, mentres persista a situación actual.
Ademais de tomar estas medidas urxentes para preservar un ben tan esencial como a auga, o Concello de Marín apela ao civismo e á responsabilidade da veciñanza para reducir o consumo da auga no día a día e solicita expresamente a adopción de medidas que poden ser cruciais.
Así, pide un uso razoable e preferente da ducha en vez de o baño, recomenda á poboación que peche a billa grifo cando non se estea utilizando, solicita que se reparen goteos ou fugas e insiste tamén na necesidade de restrinxir ao máximo o rego, o lavado de coches, baldeos de espazos e o recheo de piscinas.
"Pedímosvos a vosa implicación coa esperanza de non ter que adoptar medidas máis restritivas", sinala a alcaldesa, que insiste en que só co compromiso e solidariedade de toda a poboación se poderá prolongar as reservas actuais de auga.
Relacionadas:
-
Bueu súmase ás medidas contra a seca cun bando que limita o uso de auga en regas, baldeos e as duchas das praias
Por Redacción |
-
Reunión urxente entre a Xunta e seis concellos da área de Pontevedra para abordar a seca no Lérez
Por Natalia Puga |
-
Sanxenxo non asistirá ao cumio de municipios afectados pola seca no Lérez "por falta de confianza"
Por Natalia Puga |
-
O BNG pide pintar o vial de praias para reforzar a seguridade do tráfico
Por Redacción |
-
Cumio municipal en Pontevedra ante a situación de alerta pola seca no Lérez
Por Alejandro Espiño |
-
A escaseza na reserva de auga obriga a elevar o nivel de alerta pola seca
Por Alejandro Espiño |
-
Medidas contra a seca en Sanxenxo: restrinxe o uso de auga para piscinas, lavado de coches e lavapés das praias
Por Redacción |
-
A seca prolongada "acrecenta a preocupación" da Xunta sobre o subministro de auga
Por Natalia Puga |