O Museo Raíña Sofía de Madrid foi escenario dunha presentación do congreso Placemaking Week Europe que acollerá Pontevedra o próximo mes de setembro, entre os días 27 e 30.

Será unha cita que eunirá a arquitectos, urbanistas e especialistas no campo urbano para abordar o futuro das cidades.

Para presentala desprazouse ata Madrid o alcalde, Miguel Anxo Fernández Lores, acompañado da concelleira de Promoción da cidade, Anabel Gulías, contando ademais coa presenza do director de Placemaking, Ramón Marrades; da directora do Instituto de saúde urbana (International Society for Urban Health), Giselle Sebag, e polo vicepresidente da Deputación da Coruña, Xosé Regueira, xa que a institución terá un papel activo no congreso destacando a importancia da cultura nas intervencións urbanas, tendo como exemplo ao Concello de Carballo coa creación dos murais nas medianeiras.

O evento estivo conducido pola xornalista Ana Pardo de Vera e contou coa asistencia do presidente da Once, Miguel Carballeda, do presidente da Casa de Galicia en Madrid ou da directora do Raíña Sofía. Tamén asistiu Joan Clos (ex-director executivo de ONU Habitat), o arquitecto e comunicador Pedro Torrijos, o director da Escola de Arquitectura de Coruña, Plácido Lizancos, e o xornalista Jesús Cintora.

No seu internvención o alcalde de Pontevedra incidiu en que "moita xente comprometeuse a vir a Pontevedra", destacando que a organización lles trasladou que "o modelo de Pontevedra chama a atención".

"Nós queremos que Pontevedra siga non calendeiro, que a xente a coñeza", sinalou Lores, defendendo que "se poden facer cidades amables, dinámicas, atractivas, xeradoras de emprego, comercial e con de calidade de vida".

O congreso, que se desenvolveu por primeira vez en 2017 en Ámsterdam e que pasou por cidades como Estocolmo e Valencia, reunirá a un gran número de profesionais en planificación urbana para abordar o urbanismo participativo e sostible desde perspectivas diversas como a arte, a inclusión, a saúde ou a política.