O novo centro de saúde de Meis ocupará case 1.000 metros cadrados
Por Alejandro Espiño
A carón da avenida Médico Paz García, no entorno da denominada Casa de Parga. Aí se sitúa, en pleno núcleo do Mosteiro, a parcela na que se construirá o novo centro de saúde de Meis. Terá una edificabilidade de 972 metros cadrados.
O conselleiro de Sanidade, Julio García Comesaña, e a alcaldesa de Meis, Marta Giráldez, asinaron este mércores o protocolo de colaboración entre ambas administracións para a execución das obras de construción deste novo equipamento sanitario.
O protocolo asinado expresa que a Xunta construirá o centro en canto a parcela sexa posta a disposición do Servizo Galego de Saúde.
Así, o Concello debe agora adquirir os terreos e realizar os trámites urbanísticos pertinentes que permitan a cesión da parcela libre de cargas e gravames e coa cualificación urbanística axeitada para acometer a obra prevista.
A ampla edificabilidade permitirá dar cabida ao plan funcional aprobado polas autoridades sanitarias para o novo centro de saúde de Meis.
Terá seis consultas de adultos, unha sala polivalente, unha sala de toma de mostras, unha área pediátrica con dúas consultas e unha área da muller con unha consulta de matrona e unha sala de educación sanitaria.
Este plan permitirá a Meis contar con espazos non existentes na infraestrutura actual como a sala polivalente ou as áreas pediátrica e da muller.
Relacionadas:
-
A Axencia Galega de Infraestruturas construirá o novo centro de saúde de Meis
Por Redacción |
-
Sanidade asinou co concello de Meis o convenio que permitirá a construción dun novo centro de saúde
Por Redacción |
-
Os centros de saúde de Dena e Mosteiro recuperan o luns a atención pediátrica
Por Redacción |
-
Proposta do PP para crear o novo centro de saúde de Meis fronte ao actual espazo sanitario da Rochela
Por Redacción |
-
Convocan unha concentración en Meis para reclamar máis facultativos para o municipio
Por Redacción |