Os centros de saúde de Dena e Mosteiro recuperan o luns a atención pediátrica
Por Redacción
Os centros de saúde de Dena e Mosteiro, nos concellos de Meaño e Meis, recuperarán a partir do vindeiro luns 10 de xaneiro a cobertura pediátrica de atención pediátrica.
Segundo a información facilitada pola área sanitaria de Pontevedra e O Salnés, esta planificación xa está consensuada cos profesionais que prestarán esta asistencia e suporá a atención durante media mañá en cada centro de saúde de luns a venres.
Ata o de agora, a poboación desprazábase ao centro de saúde de Baltar para recibir esta asistencia e o obxectivo desta nova situación é tratar de evitar os menores desprazamentos posibles para pacientes e familiares.
Os pacientes infantís dos concellos de Meis e Meaño recibirán atención cun equipo específico en atención pediátrica -profesionais de Pediatría e Enfermería- que permitirá ter as revisións do Programa do Neno San, as vacinacións, as actividades de promoción da saúde e a atención aos nenos con enfermidades crónicas no seu centro de referencia.
No caso de ter dificultade para desprazarse á consulta nas franxas horarias matinais, as familias sempre poden optar por recibir a atención infantil para os nenos da man dos seus médicos de familia que, na súa formación previa como Médicos Internos Residentes, teñen un período de aprendizaxe específico nos servizos de Pediatría e contan con sólida formación en materia de Puericultura e patoloxías infantís.
A cobertura pediátrica de Atención Primaria nos centros de saúde de Dena e de Mosteiro é unha medida temporal que se valora dende a área sanitaria hai tempo e, de non resultar positiva para a poboación ou os profesionais, replantexaríase de novo.
Relacionadas:
-
O novo centro de saúde de Meis ocupará case 1.000 metros cadrados
Por Alejandro Espiño |
-
Sanidade comprométese a un reforzo de persoal no centro de saúde de Baltar
Por Redacción |
-
Meaño recupera a cobertura sanitaria con tres médicos nos seus dous centros de saúde
Por Redacción |
-
O centro de saúde de Dena conservará o seu pediatra
Por Redacción |
-
Protesta en Meaño para pedir a reposición do servizo de pediatría e que se cubra a praza do médico de familia nos centros de saúde
Por Redacción |
-
Meaño maniféstase o domingo contra o "precario" estado da sanidade no municipio
Por Redacción |
-
Meis e Meaño recuperarán a atención pediátrica o 4 de decembro
Por Redacción |