Sanxenxo reforza o seu plantel con 42 novos traballadores
Por Redacción
O Concello de Sanxenxo reforzará a partir deste mércores o seu plantel cun total de 42 persoas a través do Plan Concellos 2022, tres persoas máis que e ano anterior.
Os traballadores repartiranse polos ámbitos municipais de servizos administrativos, parques e xardíns, limpeza de praias e espazos públicos. Empregaranse a 39 peóns, cun contrato de 5 meses de duración e a 3 auxiliares administrativos, cun contrato de 6 meses de duración para Rendas, Urbanismo, Padrón e Catastro
Dentro dos servizos administrativos, os traballadores realizarán, entre outras, tarefas de atención cidadá de carácter informativo de servizos, organismos e funcionamento do Concello, domiciliación de impostos, notificacións, trámites catastrais, certificados de empadroamento, modificación de datos, así como outras materias relacionadas coa xestión de arquivo de documentos.
O contrato dos 42 traballadores supoñerá un investimento total de 264.757 euros, dos que a Deputación achega 258.272 euros e os 6.485 euros restantes proceden de fondos municipais.
O plan de emprego incluído na liña 3 do Plan Concellos é unha medida que permite a contratación de persoas desempregadas do municipio que non estean a recibir prestacións e poidan ter así unha oportunidade de adquirir experiencia laboral que facilite a súa futura inserción no mercado de traballo.
Relacionadas:
-
Sanxenxo aspira a conseguir 16 'Q de calidade turística' en praias este verán
Por Oskar Viéitez |
-
Abril trae cor azul a Sanxenxo polo Día Mundial do Autismo
Por Raquel Currás Martínez |
-
O sector turístico de Sanxenxo busca traballadores para Semana Santa, fins de semana e verán
Por Oskar Viéitez |
-
O persoal da Policía Local de Sanxenxo reforzarase este verán con 34 auxiliares
Por Redacción |
-
Nauta Sanxenxo crea unha bolsa de emprego para reforzar o seo persoal
Por Redacción |