Unha acción informativa no 'Botellódromo' tratará de previr o consumo de substancias aditivas
Por Oskar Viéitez
Este sábado 5 de febreiro na contorna do Recinto Feiral e nas distintas zonas de marcha da cidade, entre as 22:00 e as 2:00 horas, desenvolverase unha nova intervención enmarcada dentro do proxecto #Aquexogas?.
Trátase dun programa autonómico de prevención do consumo de substancias aditivas en espazos de lecer nocturno e de botellón entre a poboación moza, impulsado pola Consellería de Sanidade en colaboración co Plan Municipal de Prevención de Condutas Aditivas do Concello e a empresa Marexada.
É unha acción informativa de rúa de carácter itinerante na que se traballan diversas dinámicas educativas que teñen como finalidade evitar e reducir o inicio e a consolidación do consumo de substancias psicoactivas e o impacto das consecuencias e problemáticas que este consumo produce na poboación xuvenil.
Ao longo da intervención encheranse enquisas anónimas para acadar datos estatísticos sobre o consumo de substancias entre a mocidade pontevedresa, distribuirase información sobre diferentes drogas (procedencia, consecuencias, mitos...) e repartirase camisetas, pulseiras, e chapas cos logotipos do programa.
O concelleiro de Benestar Social, Marcos Rey subliña que "a educación e a concienciación xogan un papel esencial para frear a aparición de problemas de saúde pública vencellados ao lecer nocturno e ao fenómeno do botellón na nosa mocidade".
Neste eido, o edil do PSOE lembra que, á marxe do programa #Aquexogas?, o Concello de Pontevedra leva xa máis de 20 anos traballando en centros escolares a través do Plan de Prevención de Condutas Aditivas, "con obradoiros de prevención do abuso de alcohol na mocidade".
Relacionadas:
-
O Plan de Prevención de Condutas Aditivas recibe unha subvención da Consellería de Sanidade
Por Redacción |
-
"O botellón rexistra menor incidencia de delitos que outras zonas de concentración de ocio nocturno”
Por Redacción |
-
Un experto en ciberdelincuencia da Garda Civil explicará a pais e nais os perigos das redes sociais
Por Redacción |
-
O PP propón ampliar o programa de Noites Abertas para sacar os menores do botellón
Por Diana Eiras & María José Pita |
-
Benestar Social activa un sistema que permitirá notificar as citas por SMS aos usuarios de Servizos Sociais
Por Redacción |
-
A Policía detén un individuo que acudía en patinete a un parque de Vilagarcía para vender droga
Por Oskar Viéitez |
-
Benestar Social ofrece cursos gratuítos sobre Informática Básica e Internet
Por Redacción |
-
O PP censura que o Concello "incite" ao consumo de alcohol entre a mocidade ao manter o 'botellódromo'
Por Alejandro Espiño |
-
Pepa Pardo, do PP, pon en dúbida a existencia dun informe municipal que avale a reactivación do botellódromo
Por Redacción |
-
O Concello dá por "resoltos" os problemas de convivencia no centro histórico polo botellón
Por Alejandro Espiño |