Alianza entre a OCDE e Pontevedra para replicar o seu modelo urbano en cidades similares
Por Redacción
O modelo urbano de Pontevedra, segundo a Organización para a Cooperación e o Desenvolvemento Económicos (OCDE), pode resultar "moi interesante e útil" para localidades do mundo de tamaño similar ao da cidade do Lérez.
De aí que este organismo internacional, que busca deseñar mellores políticas sociais e económicas para ofrecer unha vida mellor aos cidadáns, vaia a colaborar co goberno pontevedrés para expoñer esta experiencia en lugares que a poidan replicar.
Para iso, os edís Anabel Gulías e Demetrio Gómez mantiveron este xoves un encontro telemático coa directora do departamento de Medio Ambiente da OCDE, Mariana Mirabile, interesada especialmente na experiencia urbana de Pontevedra.
O encontro responde a unha petición de entrevista da OCDE que se puxo en contacto coa Alcaldía ao estar interesada en coñecer o modelo Pontevedra.
O primeiro contacto -o desta tarde- foi para coñecer máis sobre Pontevedra: a redución do vehículo, a preferencia dos peóns, as decisións políticas e técnicas que acompañaron o modelo ou o custe das intervencións.
O compromiso por parte do Concello é continuar mantendo a liña de comunicación co organismo internacional ofrecéndolle material sobre o modelo de cidade, dende as publicacións ata os estudos técnicos dos que se dispoñan.
Este contacto coa OCDE comezou o pasado mes de outubro cando o organismo solicitou ao Concello permisos de reprodución dalgúns das publicacións municipais nun documento sobre mobilidade e transporte publicado pola entidade en decembro de 2021.
Relacionadas:
-
Pontevedra, invitada a explicar a súa transformación urbana no Parlamento Europeo
Por Alejandro Espiño |
-
Tres millóns para converter Pontevedra en destino turístico sostible e referente gastronómico
Por Natalia Puga & Mónica Patxot |
-
Elda visita Pontevedra para estudar a recuperación dos seus espazos públicos
Por Alejandro Espiño & Mónica Patxot |
-
Lores avoga por superar o "medo ao cambio" para avanzar cara cidades sostibles
Por Redacción |
-
Lores reclama en Suíza que as cidades "avancen" cara un modelo sostible
Por Redacción |