A licitación do novo contrato do lixo avanza e só está á espera dos últimos informes xurídicos
Por Manu Otero
"Queremos que sexa un contrato digno do século XXI", declarou o concelleiro responsable da xestión de residuos en Pontevedra, Raimundo González, despois de asegurar que os trámites previos á saída do contrato da xestión do lixo a concurso están xa na súa fase final, aínda que preferiu evitar marcar prazos concretos.
"É un tema que me quita o soño", recoñeceu para destacar a importancia dun servizo que servirá para modernizar todo o relacionado coa xestión de residuos na cidade, debido a que centralizará a limpeza de rúas, a recollida de voluminosos, a xestión de puntos limpos, o transporte e o tratamento do lixo, así como a reciclaxe e o plan de compostaxe.
"A intención é sacalo a concurso canto antes", insistiu o edil nacionalista, quen asegura que xa están listos todos os informes técnicos e a apertura do expediente, aínda que aínda non recibiron os informes xurídicos pertinentes para sacar o contrato a concurso.
Un contrato que no orzamento municipal está cifrado en pouco máis de 10 millóns de euros, pero que, segundo avanzou González, o importe de licitación será lixeiramente superior para garantir a calidade dun servizo que na ctualidad quedouse anticuado.
Neste sentido, lembra o concelleiro que algúns lotes deste apartado xa foron adxudicados, como a limpeza das dependencias municipais, das instalacións deportivas, dos colexios e o control de pragas.
Comprometeuse Raimundo González a, no prazo dunha semana, comparecer de novo ante os medios de comunicación para dar todos os detalles da saída a concurso do novo contrato de xestión de residuos de Pontevedra.
Relacionadas:
-
Pontevedra quere formalizar antes de final de ano o novo contrato do lixo, polo que pagará 225 millóns en 21 anos
Por Alejandro Espiño |
-
Pontevedra consolida as cifras de reciclaxe en 2021 á espera da "revolución ambiental" do novo contrato do lixo
Por Redacción |
-
Todas as dependencias municipais separarán os seus residuos nun prazo de tres meses
Por Alejandro Espiño |
-
O novo contrato da xestión do lixo contemplará o residuo como un recurso e buscará reducir a pegada do CO2
Por Redacción |
-
Zafarrancho de limpeza na avenida dos Matos, en Ponte Muíños
Por Redacción |
-
Pontevedra presenta un orzamento de case 86 millóns de euros para 2022
Por Oskar Viéitez & Mónica Patxot |
-
Pontevedra licitará "en cuestión de días" o novo contrato de xestión do lixo
Por Alejandro Espiño |