O movemento veciñal premia o labor do cociñeiro Pepe Solla e da Asociación Contra o Cancro
Por Oskar Viéitez
A Confederación Galega de Asociacións Veciñais "Rosalía de Castro" ( CoGaVe), que aglutina as principais Federacións de Asociacións Veciñais de Galicia, e un total de, aproximadamente, 500 asociacións, anunciou os galardoados da VIII edición dos seus Premios "Crer no Movemento Veciñal", que terá lugar este próximo domingo, 28 de novembro, na cidade de Lugo.
Entre os premiados, a proposta da Federación de Asociacións Veciñais "Castelao" de Pontevedra, prémiase ao cociñeiro Pepe Solla, singularmente por poñerse á fronte do Comedor Social de Pontevedra en plena pandemia por Covid19, e tamén se recoñece o labor da Asociación Española Contra o Cancro en Pontevedra, unha entidade que celebra o seu 50 aniversario, axudando a miles de pacientes con cancro e ás súas familias; e desenvolvendo unha importantísima labor de investigación, prevención e concienciación neste ámbito.
Pepe Solla agradeceu este premio que lle fai sentir"un orgullo inmenso, nos vos poderes imaxinar o que é sentir o cariño dos veciños". Lembrou que o seu pai inculcoulle ese "espírito de axuda aos demáis" e lembrou que o premio é "para todo omeu equipo" e que "aínda queda moito por pelexar" xa que continúa a situación de emerxencia social.
Igualmente, a presidenta da AECC en Pontevedra, Carmen Abeledo agradeceu o premio e sinalou que a asociación cumpre 50 anos impulsando a investigación en cancro en España, consciente da súa importancia para avanzar na loita contra a enfermidade. O presente da investigación en cancro pasa por atopar novos métodos de diagnóstico precoz e tratamentos e terapias eficaces que axudarán a aumentar a supervivencia e chegar ao 70% para o ano 2030.
Ademais dos premiados pontevedreses, a COGAVE entregará galardóns a proposta das diferentes federacións que a integran: a da Coruña, "Roi Xordo" de Ferrol, " Lucus Augusti" de Lugo, " Limiar" de Ourense, "Eduardo Chao" de Vigo e "Ou Facho" de Cangas do Morrazo.
Relacionadas:
-
Inaugurada a nova sede da Asociación Contra o Cancro en Pontevedra
Por Mónica Patxot & Oskar Viéitez |
-
A AECC financiará unha investigación da UVigo para detectar o risco de cancro de colon no microbioma
Por María José Pita |
-
Pepe Solla, pregoeiro da Peregrina polo seu prestixio profesional e o seu labor solidario durante a pandemia
Por Natalia Puga & Cristina Saiz |
-
Pepe Solla pon fin a unha tempada "gratificante e moi triste á vez" no Comedor de San Francisco
Por Manu Otero & Mónica Patxot |