O Pont-Up Store anuncia o seu regreso para os días 24 e 25 de setembro
Por Redacción
O Pont-Up Store, o principal evento de fomento da innovación e o emprendemento que se celebra en Pontevedra, anuncia o seu regreso para os días 24 e 25 de setembro.
Dado que a reubicación de datas supuxo que oito dos 36 emprendementos seleccionados para participar en 2020 comunicasen neste período a súa imposibilidade de asistir este ano por diversos motivos, o comité organizador decidiu abrir unha convocatoria extraordinaria "especialmente dirixida a persoas emprendedoras valentes" que puxeron en marcha a súa empresa en plena pandemia (entre 2019 e 2021) para cubrir esas prazas.
Este novo proceso de recepción de candidaturas estará aberto entre o 28 de xuño e o 4 de xullo e, como precisa a concelleira de Promoción Económica e Turismo, Yoya Blanco, "tamén estará aberto a todos aqueles emprendementos que xa participaron en pasadas edicións do evento e que presenten unha innovación destacable que lles permitira afrontar con éxito a situación xerada pola covid-19".
Yoya Blanco avanzou que entre as principais novidades deste ano figura a creación dun espazo virtual denominado dixital_pontup.
"Agardamos que o avance da vacina nos permita presentar o programa en setembro e instalar os habituais expositores. En todo caso, xa podemos adiantar que se van celebrar aquelas actividades que non foi posible realizar o ano pasado en formato online, entre as que se inclúen as de economía social, economía circular, rastrexos, gaming ou internacionalización", explica a concelleira do PSOE.
Relacionadas:
-
Internacionalización e sustentabilidade, eixos da novena edición de Pont-Up Store
Por Natalia Puga & Diana Eiras |
-
Corenta empresas creativas participan no Pont-Up Store 2021
Por Mónica Patxot & Redacción |
-
A feira de emprendemento Pont-Up Store dará visibilidade as empresas creadas durante a pandemia
Por Redacción |
-
As redes sociais poñen de moda as fregonas que Xoán XXIII elabora para Froiz
Por Mónica Patxot & María José Pita |
-
Bolsas ou fundas para computadores, a segunda vida das lonas institucionais en Pontevedra
Por Alejandro Espiño & Mónica Patxot |
-
A Deputación ofrece un sistema de identificación de bicis e patinetes para disuadir dos roubos e facilitar recuperacións
Por Oskar Viéitez |