Telmo Martín, alcalde de Sanxenxo: "A ponte de San Xosé e a Semana Santa non poden ser un impedimento para o verán"
Por Redacción
O alcalde de Sanxenxo, Telmo Martín. é contundente: "Sanxenxo non se pode permitir perder o verán". As previsións do rexedor da vila turística sitúanse nun bo verán turístico grazas ao avance na vacinación da poboación a á baixada de casos activos de covid-19.
Por este motivo, amosa a súa preocupación ante esta ponte de San Xosé e á chegada da Semana Santa, advirtindo que estas festividades "non poden ser un impedimento para o verán". Considera que é fundamental que se cumpra coa limpeza e coa seguridade sanitaria durante estas datas.
Martín avanza que a Policía Local fará cumprir todas as normativas sanitarias en relación á capacidade dos espazos, uso de máscaras protectoras e mantenemento das distancias. Entende que se o tempo acompaña nas vindeiras datas festivas, un importante número de clientes acudirán a terrazas, restaurantes e bares de Sanxenxo onde haberá unha especial vixilancia.
Indica que os axentes policiais farán seguimento das normas e controlarán a aquelas persoas non responsables que prexudican á maioría. Telmo Martín quere que Sanxenxo se presente como un lugar turístico seguro de cara os meses de verán.
Neste sentido afirma que non abrirán moitos hoteis durante esta ponte e que en Semana Santa algún máis ten previsto acoller a clientes, malia ao peche perimetral da comunidade, porque lembrou que o municipio é lugar de acollida de moitos visitantes galegos.
Relacionadas:
-
Os establecementos hostaleiros de Sanxenxo reciben as axudas para mellorar as terrazas
Por Redacción |
-
Empresarios de Sanxenxo piden solucionar o "nefasto" servizo de internet no municipio
Por Redacción |
-
A Xunta aclara a normativa para as praias: Sen máscara só na toalla e ao bañarse
Por Diego Espiño |
-
Bares e restaurantes poderán abrir ata as 21:00 horas e terán máis aforamento
Por Alejandro Espiño |