Ponte Caldelas repara a pasarela do Paseo da Calzada tras as enchentes do inverno
Por Redacción
Repoñer os listóns de madeira que están deteriorados logo das crecidas do río Verdugo e substituír as vigas inferiores danadas. Son os traballos que o Concello de Ponte Caldelas está a facer na pasarela de madeira do Paseo da Calzada.
Todas as madeiras serán sometidas a un tratamento de protección como se realiza todos os anos unha vez rematada a temporada de crecidas do Río Verdugo.
Ademais, tamén están encargados os farois e o material eléctrico necesario para reparar todas as luminarias do paseo que se viron afectadas polas crecidas deste ano.
Foron varias as que caeron polo desbordamento do río e outras que quedaron moi danadas e necesitan ser reparadas para o seu funcionamento.
Ponte Caldelas apunta que a maioría dos danos deste ano foron provocados polo arboredo que cae ao río e baixa con forza e agresividade, cuestión que "non tería acontecido" se a Xunta de Galicia "fixese a súa labor e non tivese completamente abandonados as canles dos ríos".
A competencia sobre estes ríos, engade o goberno municipal, é autonómica e a pesar diso "non aporta nin un só céntimo" para sufragar os estragos que se producen neste mobiliario.
Relacionadas:
-
Ponte Caldelas creará 40 novos aparcamentos no Paseo da Calzada
Por Redacción |
-
Visita á centenaria presa de Ponte Inferno antes de que desapareza
Por Isabel Feijóo Gallardo |
-
A Praia Fluvial da Calzada contará cun aparcadoiro gratuíto de autocaravanas
Por Redacción |
-
Denuncian o mal estado de conservación das pasarelas dos paseos peonís da Reigosa e da Calzada
Por Redacción |