Poio aplicará no vindeiro recibo do lixo a bonificación por cese de actividade
Por Redacción
O Concello de Poio vén de publicar o listado definitivo de solicitudes admitidas para a bonificación do 100% do recibo da taxa do lixo, unha medida impulsada para todos aqueles negocios, empresas e autonómicos que se viron na obriga de cesar a súa actividade durante o confinamento iniciado a raíz do primeiro estado de alarma decretado a mediados de marzo por mor da pandemia da COVID-19.
O concelleiro de Facenda, Xulio Barreiro, explica que máis de 40 profesionais veranse beneficiados a través desta modificación da ordenanza. "Aprobáronse a inmensa maioría das solicitudes presentadas", indicou o edil do goberno local.
Unha vez feito público o listado, que se pode consultar no taboleiro de anuncios da sede electrónica do Concello, a administración local daralle traslado á empresa responsable da recollida e xestión de residuos da orde para que proceda á aplicación da redución no primeiro recibo bimestral que resulte posible, ate completar o importe total equivalente ao período de cese de actividade, aplicándose nos bimestres sucesivos en caso de que fose necesario.
Barreiro confía en que a medida xa se poida aplicar antes de que remate o ano.
Relacionadas:
-
Poio rexistra unha "suba importante" na reciclaxe de papel e cartón
Por Redacción |
-
Poio bonificará o IBI a familias numerosas, a viñeta a coches ecolóxicos e as herdanzas en vida
Por Redacción |
-
Poio aproba a bonificación do lixo para a hostalería e anuncia medidas similares para o IBI, a viñeta e as plusvalías
Por Oskar Viéitez |
-
Poio volverá bonificar a taxa de lixos aos seus hostaleiros mentres dure o peche
Por Redacción |