Os dentistas de Pontevedra doan material para a hixiene oral ao Banco de Alimentos
Por Redacción
O Colexio de Dentistas de Pontevedra e Ourense doou ao Banco de Alimentos varios lotes de material de hixiene oral.
Conscientes da necesidade de axudar ás persoas máis desfavorecidas pola pandemia, o colexio realizou xestións con distintas empresas coa finalidade de promover esta acción solidaria.
A chamada tivo a resposta inmediata por parte de Laboratorios Lacer, que se encargou de doar o material a José Luis Doval, responsable do Banco de Alimentos de Pontevedra. Entre o material doado inclúense cepillos de dentes e pasta dentífrica.