Sanxenxo inicia as obras de remodelación da praza de abastos de Portonovo
Por Redacción
As obras de remodelación interior e exterior prevista na praza de abastos de Portonovo xa están en marcha. Os traballos inclúen novos aseos adaptados a persoas con mobilidade reducida, un novo revestimento dos postos de venda de peixe, a renovación dos remates de cuberta de aluminio, o cambio de reixa de porta principal de acceso, a limpeza das fachada. Os traballos comezaron polos baños e estanse realizando durante as tardes para non afectar á actividade de venda nas instalacións.
No referente á limpeza da fachada realizarase con chorro de auga presión e aplicaráselle un tratamento protector. O prazo de execución é de dous meses e a actuación está valorada en 41.245 euros, financiados pola Axencia Galega de Desenvolvemento Rural e o Concello de Sanxenxo.
En canto á futura nova praza de abastos de Sanxenxo, o Concello ultima a conformación do xurado do concurso de ideas que decidirá cal das 67 propostas recibidas será a elixida para o deseño do novo mercado.