A carpa do Revitaliza chega a Bueu para informar sobre compostaxe doméstica e comunitaria
Por Redacción
Os mestres composteiros do Plan Revitaliza da Deputación de Pontevedra achegaranse este xoves a Bueu para falar de compostaxe coa veciñanza. Instalarase a carón da praza de abastos.
Os cidadáns que se acheguen poderán resolver dúbidas sobre a xestión dos residuos orgánicos e do resto das fraccións grazas ás explicacións do persoal técnico provincial. A intención é que toda a xente que se achegue saiba que compostar é sinxelo e converte o lixo orgánico nun recurso, dándolle unha nova vida coma compost. Entre outras das explicacións afondarase sobre o tipo de lixo que se pode botar no composteiro e o que non.
As persoas asistentes, amais de cubrir as inscricións para participar na compostaxe comunitaria ou solicitar un composteiro individual, poderán recoller diferente material divulgativo e de concienciación para que compostar sexa aínda máis sinxelo (imáns, guías ou bolsas).
As persoas que queiran levar unha mostra de compost tamén recibirán indicacións das posibilidades de uso para fertilizar as prantas.
O punto informativo que se achegará ao Morrazo leva percorrendo todos os ‘concellos Revitaliza’ da provincia dende o pasado ano. Ata o de agora o interese espertado foi moi alto, tanto no referido á compostaxe individual con composteiros de horta, como á compostaxe comunitaria en zonas de máis densidade de vivendas. De feito, hai zonas nas que hai lista de agarda para poder obter un composteiro individual ou para habilitar centros de compostaxe comunitaria.
As actividades de información sobre o Plan Revitaliza pretenden xerar unha dinámica de impulso da compostaxe como un modelo de xestión do lixo ambientalmente sustentable, achegando de maneira lúdica e sinxela á veciñanza que é compostar: dar unha nova vida aos residuos orgánicos para que volvan de novo á terra como fertilizante natural e xeren novos produtos, fomentando así a economía circular en lugar de queimalos ou envialos a un vertedoiro.
Relacionadas:
-
Beluso estreará este venres o seu centro de compostaxe comunitaria
Por Redacción |
-
Bueu instala un composteiro no colexio Virxe Milagrosa
Por Redacción |
-
Os concellos na fase 2 do Plan Revitaliza poderán cumprir este ano cos obxectivos de reciclaxe da Unión Europea
Por Oskar Viéitez & Mónica Patxot |
-
Máis de 200 bueuenses achegáronse este xoves á carpa informativa sobre a compostaxe
Por Oskar Viéitez |
-
O composteiro do Sequelo entra en fase de repouso e habilítase un segundo caixón
Por Redacción |
-
Mostras de compost gratis para os veciños de O Sequelo e A Cañota de Marín que se acheguen aos centros de compostaxe
Por Redacción |
-
Revitaliza ofrecerá actividades sobre compostaxe en obradoiros e campamentos de verán
Por Redacción |
-
O núcleo de Ferreirós terá o primeiro centro composteiro comunitario de Poio
Por Redacción |