Mostras de compost gratis para os veciños de O Sequelo e A Cañota de Marín que se acheguen aos centros de compostaxe
Por Redacción
O Plan Revitaliza da Deputación Provincial ofrece esta semana en Marín senllas xornadas formativas en O Sequelo e A Cañota. A primeira será este mércores 29 a partir das 10.30 horas en O Sequelo, de forma que comezará así a súa posta en funcionamento.
Técnicos da entidade estarán na carpa instalada a tal fin, para explicar como funciona este sistema de xestión de residuos orgánicos domésticos e regalarán a quen acuda unhas mostras de compost extraído de composteiros comunitarios.
Pola tarde, ás 20.00 horas, ofrecerase unha sesión formativa aos propietarios das hortas urbanas de O Sequelo. Xa na xornada do xoves 30, repetiranse as charlas cos mesmos horarios, 10.30 e 20.00 horas, no centro de compostaxe da Cañota, con repartición igualmente gratuíta para os asistentes.
Previamente a estas dúas accións entre os veciños, este martes, os concelleiros Marián Sanmartín e Manuel Santos, visitaron o centro de compostaxe comunitaria de O Sequelo acompañados de técnicos provinciais do Plan Revitaliza e de persoal da Fundación Xoán XXIII, que será o encargado do mantemento do devandito centro de compostaxe.
Relacionadas:
-
Os composteiros do Plan Revitaliza na Cañota e O Sequelo xa levan tratadas once toneladas de biorresiduos
Por Redacción |
-
O goberno de Marín estuda as fórmulas para reducir un 40% as emisións de gases de efecto invernadoiro
Por Redacción |
-
A carpa do Revitaliza chega a Bueu para informar sobre compostaxe doméstica e comunitaria
Por Redacción |
-
O composteiro do Sequelo entra en fase de repouso e habilítase un segundo caixón
Por Redacción |
-
Activan a compostaxe comunitaria en Marín con dúas charlas de formación
Por Redacción |
-
A Deputación instala os primeiros centros de compostaxe do Plan Revitaliza en Marín
Por Redacción |
-
A veciñanza de Ardán e Santomé de Piñeiro recibirá 200 novos composteiros
Por Redacción |