O atracador á caixeira en Monte Porreiro: "Dame lo que tengas que me voy"
Por Oskar Viéitez
O Supermercado Moldes do barrio de Monte Porreiro foi atracado este mércores a punta de pistola.
Sucedeu pouco despois das dúas da tarde, "a la hora del pan". Os clientes percorrían os corredores cando o berro dunha das caixeiras estremeceu ao supermercado. "Dame lo que tengas que me voy". Acababa de irromper un home armado cunha pistola que tras apuntar a unha das empregadas do Moldes, esixiu todo o diñeiro da caixa.
Paralizada polo medo, María, a caixeira, foi incapaz de atender ás peticións do atracador. Entón o asaltante obrigou outra das traballadoras a abrir a caixa.
"Dale a la C, me repetía", contou a afectada a PontevedraViva "yo le dije que no sabía. Me estaba fijando en sí era de verdad o de mentira la pistola. Pero yo que sé, juraría que era de mentira, tenía un agujero muy pequeño y así se lo dije a la Policía, pero tampoco he visto nunca un arma de verdad".
Unha vez aberta a caixa, o atracador levouse "lo gordo" e saíu correndo.
Ademais das empregadas do Supermercado Moldes os numerosos clientes que estaban no establecemento e que puideron ver ao atracador coinciden ao describilo como un home non moi corpulento, co pelo gris, "iba muy tapado, con un pañuelo del tipo motero y con gafas de sol".
O atracador fuxiu en moto do lugar do suceso. Un grupo de clientes intentou perseguilo pero pronto lle perderon a pista.
Relacionadas:
-
Cuarto atraco en dez días, o último nun supermercado de Marín
Por Natalia Puga |
-
Terceiro atraco, mesmo modus operandi: un home coa cara tapada e pistola en man
Por Natalia Puga |
-
Segundo atraco a pleno día no centro nunha semana
Por Natalia Puga |
-
Un home armado e coa cara tapada atraca unha panadaría en pleno día e leva toda a recadación
Por Natalia Puga |