Os funcionarios de Marín e Cangas denuncian outro verán de altas temperaturas e falta de ventilación nos Xulgados
Por Redacción
O sindicato CIG denuncia as elevadas temperaturas e a falta de ventilación coa que están a desenvolver o seu traballo os funcionarios dos Xulgados de Marín e Cangas. Unha circunstancia que non é exclusiva deste verán, senón que xa vén repetindo en anos anteriores: "e este ano debido ás altas temperaturas, non se pode nin traballar", sinala Josefa Iglesias, delegada sindical.
No caso dos Xulgados de Marín, indican que o aire acondicionado só funciona nas Salas; mentres que en Cangas tentouse liquidar o sistema a pasada semana, pero co inicio desta semana "están outra vez sen ventilación". Por iso, desde a central sindical apelan a que se proceda a unha renovación do sistema de ventilación, en lugar de " parchear os problemas".
De igual forma advírtese sobre as consecuencias que conleva traballar cunhas condicións ambientais inadecuadas, neste caso por tensión térmica: falta de atención e concentración, apatía, irritabilidad ou mareos; e esixen "o cumprimento dos mínimos e máximos de condicións ambientais marcadas pola normativa e que neste momento non se fai".