Os socialistas queren converter o Lérez no eixo de rutas turísticas e actividades de lecer
Por Redacción
Para o PSdeG-PSOE debe ser "prioritario" avanzar cara o saneamento integral da ría de Pontevedra e do río Lérez, espazo que queren converter no eixo de rutas turísticas e un ámbito para realizar actividades lúdico-deportivas.
Así o explicaron os socialistas nas inmediacións do peirao das Corbaceiras, a onde acudiron para mostrar o compromiso do seu partido cun modelo de cidade saudable, que aproveite espazos como os ENIL da Xunqueira de Alba e o Gafos ou o sendeiro fluvial do Lérez.
Neste eido, Paloma Castro salientou a iniciativa dos responsables da Urban Culture Factory, Milo Castelo e Toño Escudero, para poñer en marcha, co apoio do Concello, un programa que permitirá facer deporte e explorar as ribeiras do río Lérez sobre táboas de paddle surf.
"Cremos que os deportes alternativos, como o skate, o kayak, a patinaxe, a escalada ou o propio paddle surf, por suposto xunto ao ciclismo, xogan un papel moi importante no fomento dun modelo de cidade saudable", apuntou a candidata socialista.
O programa do PSdeG-PSOE, recordou Paloma Castro, aposta pola habilitación de espazos libres como áreas de deporte na rúa, que poidan complementar as instalacións pechadas e facilitar a práctica deportiva e os adestramentos ao aire libre.
Entre outros proxectos para a cidade, os socialistas anunciaron a intención de impulsar dende a Xunta de Galicia a creación do primeiro parque de calistenia de Pontevedra.
Ademais, incidiron na necesidade de que a cidade deixe de estar "de costas ao río" e comece a "aproveitar ao máximo" os seus recursos turísticos e de deporte ao aire libre.
Neste esforzo terían un papel importante, entre outros programas, o plan para o deporte terapéutico dirixido aos maiores e o plan de turismo deportivo, nos que traballan os socialistas para implantar en Galicia se acceden ao goberno tras as eleccións do 12 de xullo.
Relacionadas:
-
Esgotadas as prazas para as novas saídas en paddle surf polo Lérez
Por Redacción |
-
A limpeza do Lérez tamén é cousa de nenos
Por Redacción |
-
Amplían os roteiros de pádel surf polo Lérez tras esgotar as prazas en tres horas
Por Redacción |
-
Organizan rutas de paddlesurf para coñecer Pontevedra desde o río Lérez
Por Redacción |
-
Ábalos pide aos galegos que "se ahorren" o voto ao PP "para no seguir cuatro años como hasta ahora"
Por Alejandro Espiño & Mónica Patxot |
-
As Rías Baixas deben ter, segundo os socialistas, un papel "estratéxico" na promoción de Galicia
Por Redacción |
-
O PSOE aposta por potenciar o campus de Pontevedra e estender o seu 'modelo verde' á cidade
Por Redacción |
-
Os socialistas deseñan un plan para completar a humanización de Monte Porreiro
Por Redacción |