A Deputación analiza o impacto da pandemia nos proxectos financiados con fondos europeos
Por Redacción
A Deputación informou que a pandemia da Covid19 está a ter efecto sobre os 33 programas europeos que está a impulsar na provincia de Pontevedra.
A suspensión dos prazos de presentación de documentación e xustificación de actuacións, a raíz da entrada en vigor do Real Decreto de Estado de Alarma, así como a incerteza sobre os prazos definitivos é común a boa parte destes programas, que mobilizan na nosa provincia un total de 30 millóns de euros.
Así quedou claro na primeira sesión telemática da Comisión de Seguimento de Proxectos Europeos, na que participan os responsables de tódolos departamentos da Deputación que xestionan iniciativas con financiamento comunitario.
A Comisión de Seguimento adoptou as primeiras medidas de coordinación de cara ao desenvolvemento íntegro dos proxectos.
A nova estratexia provincial pasa por instar á captación de novos fondos europeos no marco do programa Life, cuxa convocatoria vén de abrir, e ao que a Deputación vai presentar varias candidaturas que xa teñen distintos graos de madurez. Ademais, trazáronse as primeiras liñas para ir desenvolvendo proxectos relacionados coa mitigación do impacto da Covid19 na sociedade e no tecido produtivo da provincia.
Relacionadas:
-
Unanimidade e concordia no Pleno da Deputación de Pontevedra
Por Oskar Viéitez & Mónica Patxot |
-
Deputación e CSIC impulsan un estudo sobre a biodiversidade e os produtos locais da provincia
Por Redacción |
-
A Deputación inxecta 1,7 millóns de euros ao Plan Concellos para variados proxectos municipais
Por Redacción |
-
A Deputación xestiona 15 programas europeos cun investimento global de 24 millóns de euros
Por Oskar Viéitez & Nacho Fuentes |