200 racións de cocido o sábado no Comedor de San Francisco
Por Redacción
As mostras de solidariedade non deixan de repetirse durante a corentena. Os últimos en ofrecerse a axudar aos máis vulnerables son os propietarios da tapería A Gruta, da parroquia de Santa María de Xeve, que distribuirá este sábado entre os usuarios do comedor de San Francisco unhas 200 racións de cocido elaborado con porco celta.
Os pratos serán cociñados no propio establecemento e repartidos logo entre os comensais a partir das 12 horas.
A concelleira de Benestar Social, Paloma Castro, mostrou o seu agradecemento por esta "sorpresa tan especial" e fixo fincapé en "exemplar compromiso" da hostalería pontevedresa cos que máis o necesitan.
Neste sentido, lembrou tamén que o chef Pepe Solla e o seu equipo segue elaborando o menú do comedor social cada luns, mércores e venres.
Relacionadas:
-
Benestar Social leva investidos máis de 177.000 euros na atención aos máis vulnerables durante o estado de alarma
Por Redacción |
-
O comedor de San Francisco recibe produtos do agro a través da rede de Mercaproximidade
Por Oskar Viéitez & Mónica Patxot |
-
O comedor de San Francisco amplía os días de servizo ante o aumento de usuarios
Por Almu Dapena | Creada e actualizada
-
Construcciones Ramírez doa unha tonelada de alimentos ao Comedor de San Francisco
Por Oskar Viéitez |
-
San Francisco, o comedor máis solidario... mesmo en tempos do coronavirus
Por Alejandro Espiño & Diego Torrado |