A estratexia verde da UE para a recuperación tralo coronavirus chega á industria pontevedresa
Por Redacción
No Parlamento Europeo vén de asinarse a Alianza Europea para unha Recuperación Verde, un compromiso conxunto dos países membros para impulsar solucións ecolóxicas e sostibles na estratexia da Unión Europea para a recuperación económica trala a crise sanitaria causada polo coronavirus.
A iniciativa foi presentada por Pascal Canfin, presidente da Comisión de Medio Ambiente do Parlamento Europeo. O seu manifesto está apoiado por 180 responsables políticos, directivos de grandes multinacionais, sindicatos, ONGs e expertos.
Un dos sectores estratéxicos que subscribiu este acordo foi o da celulosa, a través da Confederación de Industrias Papeleiras Europeas, da que forma parte a empresa Ence.
Este compromiso coa ecoloxía e a economía verde de cara á volta a actividade industrial plena tralo estado de alarma, únese ás accións que arestora está levando a cabo a fábrica de Pontevedra, como responsable de ofrecer produtos esenciais para as necesidades dos profesionais sanitarios e da poboación en xeral para facer fronte á pandemia.
Dende Ence infórmase que a compañía se atopa inmersa no desafío sanitario, económico e social que supón a pandemia do Covid-19. A papeleira pontevedresa mantén a subministración tanto de celulosa, para a produción de material hixiénico e sanitario, como de enerxía, para prestar servizo a fogares e centros médicos e asistenciais.
Para garantir a súa continuidade, tanto as biofábrica de Ence-Pontevedra como as diferentes plantas de enerxía renovable da compañía continúan en marcha, extremando as medidas de seguridade para evitar calquera risco de contaxio entre os seus traballadores.
Relacionadas:
-
Ence reforza as súas accións en Pontevedra na loita contra o coronavirus
Por Noticia patrocinada |
-
Ence compra 30.000 mascarillas á empresa Albino González
Por Redacción |
-
A biofábrica de Ence en Pontevedra investiu 10 millóns de euros en 2019 para mellorar a súa excelencia ambiental
Por Noticia patrocinada |
-
O modelo Ence: sustentabilidade como prioridade estratéxica e contribución á Economía Circular
Por Noticia patrocinada |