A fábrica de mobles Pomasa doa 110 equipos de protección individual ao Hospital Provincial
![Manu](/web/cache/scene/uploads/xornalistas/foto/c92/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/613a3b2f4f-20210902-patxot-radio-programa-deportes-1889.jpg)
Por Manu Otero
![](/web/cache/scene/uploads/fotos/foto/8ab/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/5e7e22f8ec-5e7e03cb67-96ac3a9c-589b-4a15-bf50-512f35080653.jpg)
© PontevedraViva
![](/web/cache/scene/uploads/fotos/foto/b25/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5e7e03f2eb-4d3fc1be-5d49-4e1d-adba-7d6c196e3c8c.jpg)
© PontevedraViva
![](/web/cache/scene/uploads/fotos/foto/112/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5e7e045b5a-marin-donaciones.jpg)
© Policía Nacional
"Ou empuxamos todos ou isto non o sacamos", é a reflexión que levou aos socios da fábrica de mobles situada en Barro, Pomasa, a doar 110 equipos de protección individual, coñecidos como EPI, ao Hospital Provincial de Pontevedra para achegar o seu gran de area á seguridade dos profesionais sanitarios na loita contra a pandemia do coronavirus.
As razóns que levaron a esta empresa, fundada por tres socios pontevedreses a principios dos oitenta, a realizar esta entrega débense a que un familiar directo de Julio Preciado, un dos fundadores, é enfermeira neste centro e fíxolle saber as necesidades de material que están a experimentar. De forma inmediata, os traballadores puxéronse a buscar este tipo de material entre os seus provedores ata dar co lote que fixeron chegar este mesmo venres ao hospital.
"Non tivemos ningún problema para facer a entrega nin tampouco fai falta que nos dean as grazas", afirma Preciado, moi implicado en prestar toda a axuda que sexa necesaria para paliar a crise. Tanto é así que xa teñen prevista unha nova entrega. Esta vez de traxes químicos, de maior calidade e duración que os xa doados. En Pomasa ultiman agora os trámites administrativos e técnicos para avalar a seguridade do material e nas próximas datas entregarán o pedido.
"No Provincial por agora non teñen enfermos, están todos en Montecelo pero nós entregámolos alí e logo xa os moverán onde fagan falta", explica o socio dunha empresa especializada na fabricación de materiais para confeccionar mobles de cociña ou de barcos.
Non é a única empresa que está a realizar valiosas mostras de solidariedade nestes días. O Concello de Marín xa fixo pública onte a recepción de centos de litros de hipoclorito para desinfectar, de sulfatadoras para realizar as limpezas e mesmo dunha empresa local que se dedica a limpar as rúas da parroquia de Ardán cos seus propios medios.
E este venres, a empresa marinense Marané Moda infantil fixo entrega na comisaría da Policía Nacional do municipio un paquete de 150 máscaras confeccionadas artesanalmente con tea de algodón de tres capas.
Relacionadas:
-
O Arosa colabora na loita contra o coronavirus coa doazón de material sanitario
Por Redacción |
-
Barro reparte máscaras hixiénicas entre os nenos do municipio de cara ao inicio das súas saídas o domingo
Por Redacción |
-
Corredores de seguros e Cruz Vermella únense para axudar aos máis desfavorecidos
Por Redacción |
-
Nova doazón do Grupo Pomasa á sanidade pontevedresa: 65 traxes químicos
Por Manu Otero |
-
A Deputación, disposta a recibir directamente o material sanitario de Xunta e Estado para a súa distribución por municipios
Por Redacción | Creada e actualizada
-
A Deputación ponse a disposición da Xunta para o reparto de 100.000 máscaras aos concellos
Por Redacción |
-
O Concello de Marín recibe doazóns de material, ferramentas e man de obra para desinfectar as rúas
Por Redacción |
-
A Xunta inicia a repartición de mascarillas e luvas entre os concellos
Por Redacción |
-
O CIFP A Xunqueira I fai unha doazón de material de protección á Policía
Por Sara Iglesias |
-
A comunidade chinesa de Pontevedra doa 2.000 máscaras e material de protección á cidade
Por Alejandro Espiño |