Marín estudia cinco zonas semiurbanas para instalar composteiros comunitarios
Por Redacción
Tras adherirse ao Plan Revitaliza da Deputación, o Concello de Marín busca os lugares máis axeitados para instalar os primeiros composteiros comunitarios do municipio.
O goberno municipal asegura que está en trámites de pechar os lugares nos que se colocarán estas instalacións, que pretenden mellorar a xestión dos residuos biodegradables.
Así, a concelleira de Medio Ambiente, Marián Sanmartín, explicou que colocaranse en zonas semiurbanas, nas que haxa unha maioría de casas unifamiliares con espazos verdes, onde é máis demandado e utilizable o compost que se xerará nos composteiros.
De maneira preliminar, o Concello está valorando colocar varios destes elementos no ámbito do Sequelo, as Barriadas de San Pedro, Mogor, A Cañota ou Cantodarea.
Crearanse, por tanto, nestes espazos o que se coñece como centros de compostaxe comunitaria, é dicir, unha instalación pensada para prestar servizo a pequenas comunidades de veciños nas que se produzan residuos de material orgánico e biodegradable.
Deputación e Concello seguirán perfilando este plan de compostaxe comunitaria, que se irá desenvolvendo ao longo do próximo 2020.
Aínda que esta será a primeira vez que se instalen composteiros comúns na vila marinense, esta forma sustentable de xestionar os biorresiduos non é nova para o municipio, dado que 100 composteiros individuais de Sogama xa levan un ano en funcionamento en diversas casas marinenses, especialmente do rural, na zona de Pardavila.
Ante o bo resultado destes composteiros, Marín xa solicitou a Sogama outros cen recipientes máis, que o municipio recibirá despois do Nadal.
Relacionadas:
-
A veciñanza de Ardán e Santomé de Piñeiro recibirá 200 novos composteiros
Por Redacción |
-
Queren máis lombos para mellorar a seguridade viaria na Barriada de Mogor
Por Redacción |
-
Marín remata a roza nas Pedreiras e abre o prazo para pedir composteiros
Por Oskar Viéitez |
-
A Unesco interésase por aplicar nas illas pequenas o Plan Revitaliza de compostaxe da Deputación
Por Oskar Viéitez & Cristina Saiz |
-
Todos os concellos do Plan Revitaliza estrearán en 2020 composteiros comunitarios e individuais
Por Redacción |
-
A Xunta repartirá 3.000 composteiros entre concellos e centros escolares o próximo ano
Por Redacción |
-
Sogama instrúe en Marín cara un consumo responsable e con menos residuos
Por Redacción |