Regresan os raposos á Finca do Teucro, esta vez en parella
Por Redacción
A veciñanza que reside nas vivendas situadas na contorna da Finca do Teucro, entre as rúas Arcebispo Malvar e a avenida do Uruguai observou a presenza de dous raposos nestas instalacións. Este terreo é empregado durante a Feira Franca como aparcadoiro. Segundo os veciños, nesa época é cando se acomete a limpeza do recinto, que é de propiedade privada.
Fai case seis anos, en outubro de 2013, os veciños tamén alertaban da presenza dun animal desta especie nesta mesma localización. Cinco meses máis tarde volvía ser visto en solares abandonados do campillo de Santa María, chamando a atención das persoas que camiñaban por esta contorna.
Os dous animais vistos estes días mostran bo aspecto e contan cos apróximadamente 70 centímetros de lonxitude corporal, tamaño habitual nestes mamíferos. Estes exemplares adoitan achegarse ás zonas urbanas para tentar obter alimento e cazan ratas e gatos. Os veciños comentan que, neste solar, tamén deixan un cabalo, de cando en vez, para que se alimente coas herbas e silvas que se atopan nesta zona.
O raposo adoita saír do seu tobo durante a noite e, aínda que é un animal de costumes solitarios chega a vivir en parella de maneira permanente. Tamén en época de celo, durante o inverno, vive aparellado.
Relacionadas:
-
Seis parcelas edificables, zonas verdes e unha pista polideportiva: o proxecto de futuro para a Finca do Teucro
Por Alejandro Espiño |
-
VÍDEO.- Avistan un raposo cruzando a ponte do Burgo
Por Redacción |
-
VÍDEO.- Gravan un raposo na contorna da Alameda de Pontevedra
Por Redacción |
-
O regreso do raposo ás rúas de Pontevedra
Por Oskar Viéitez |
-
Un raposo campa ás súas anchas pola antiga Finca do Teucro, en pleno centro de Pontevedra
Por Alejandro Espiño |