A glorieta da Brea comezará a construírse despois de Reis
Por Redacción
A empresa COVSA, adxudicataria desta obra, comezará despois de Reis cos traballos de construción da glorieta da Brea, unha actuación que se enmarca na mellora da seguridade viaria na intersección entre a EP-1201 Marín-Penizas e a EP-1202 Seixo-Santo Tomé de Piñeiro.
As obras, que teñen un prazo de execución de seis meses, permitirán unha nova reodenación do tráfico e da mobilidade peonil na zona.
Esta actuación no Concello de Marín foi unha das primeiras que solicitou a alcaldesa á Deputación. A aprobación do proxecto da nova glorieta, segundo Uxío Benítez, demorouse máis do inicialmente previsto, xa que a proposta inicial era dun maior tamaño.
Para a obra foi necesaria facer a expropiación de tres fincas, por valor de 28.916,09 euros.
O obxectivo da nova glorieta, lembrou Benítez, é aumentar a seguridade viaria na confluencia das dúas estradas provinciais nunha zona de conexión coa variante de Marín na que se xunta tanto o tráfico que vai tanto ao núcleo de Marín e á zona de Seixo como ás praias do concello, e que se incrementa na temporada estival de xeito importante.
O orzamento total, incluíndo a obra e os terreos, ascende a 122.833,49 euros.
Relacionadas:
-
As obras da glorieta da Brea, á espera de que Fenosa retire dous transformadores
Por Redacción |
-
A Deputación construirá unha nova senda peonil na baixada á praia de Aguete en Marín
Por Redacción |
-
A Deputación xa ten listo o proxecto da nova glorieta da Brea
Por Redacción |
-
Unha glorieta mellorará a seguridade viaria no cruce entre O Castro e A Brea
Por Redacción |