Os socialistas esixen á Xunta a retirada do transformador do colexio de Barcelos
Por Redacción
A polémica pola situación do transformador eléctrico do colexio de Barcelos chegará ao Parlamento galego. Será da man do PSdeG-PSOE, que vén de rexistrar unha serie de iniciativas para esixirlle á Xunta que tome a iniciativa de cambiar de sitio a instalación.
A deputada Patricia Vilán recorda que este transformador, que dá servizo ao colexio, ao aparcadoiro, aos comercios e ás vivendas da zona, sufriu un curtocircuíto hai apenas unha semana, xerando un incendio que obrigou a desaloxar o colexio.
Vilán asegura que esta instalación, que leva desde os anos 80 no colexio, supostamente fora revisada hai tres meses e a pesar diso fallou.
De aí que os socialistas insten á Xunta a que demande de Unión Fenosa a súa reubicación nun novo emprazamento ao que debería ser trasladado antes de que remate o curso.
A responsable socialista trasladou a preocupación da ANPA do centro sobre a seguridade dos nenos e nenas, a pesares de que Fenosa explicara que a instalación que ardeu cumpre con todos os requisitos de seguridade e que polo tanto non hai razón técnica ou de seguridade para retirala.
O PSdeG-PSOE quere saber, entre outras cuestións, quen autorizou a instalación do transformador no colexio ou que vai a facer o goberno galego para que non exista perigo no centro escolar e que este tipo de incidentes non se volvan a repetir.
Relacionadas:
-
Acordo entre o Concello e Fenosa para soterrar o transformador de Barcelos
Por Redacción |
-
A Xunta deixa nas mans de Fenosa e o Concello trasladar o transformador de Barcelos
Por Redacción |
-
Entregan un escrito en Naturgy esixindo compromiso na retirada do transformador eléctrico do colexio de Barcelos
Por Mónica Patxot & Anxo Lourido |
-
O delegado de Educación presionará para que se retire o transformador do colexio de Barcelos
Por Anxo Lourido |
-
Fenosa acepta iniciar os trámites para resituar o transformador de Barcelos
Por Alejandro Espiño |