O Banco de Alimentos aínda precisa 100 persoas voluntarias para a Gran Recollida Solidaria
Por Redacción
O Banco de Alimentos continúa tentando captar a persoas voluntarias que queiran colaborar na Gran Recollida de Alimentos prevista para para os próximos 30 de novembro e 1 de decembro. A organización sinala que se precisan ao redor de 100 voluntarios para botar unha man nas comarcas de Pontevedra e O Salnés.
O obxectivo é alcanzar a cifra de 500 persoas voluntarias, que garantirían un bo desenvolvemento desa xornada. Para apuntarse hai que cubrir o formulario que se atopa no web da ONG ou chamar ao teléfono 986 865 301.
Nesta edición, o humorista e presentador David Amor é o padriño do Banco de Alimentos durante esa xornada solidaria na que se quere superar a cifra de 325.000 quilos de comida na provincia, que se lograba na campaña de 2017.
As achegas no almacén do Banco de Alimentos de Pontevedra repártense entre 32 entidades homologadas e, desta forma, chega ao redor de 5.000 persoas con dificultades.
Relacionadas:
-
A Gran Recollida Solidaria chega aos 325.000 quilos de comida
Por Redacción |
-
David Amor, padriño da Gran Recollida do Banco de Alimentos: "Segue habendo xente con ganas de cambiar as cousas"
Por |
-
David Amor apadriña a Gran Recollida Solidaria do Banco de Alimentos
Por Redacción & Mónica Patxot |
-
O Banco de Alimentos en Pontevedra busca 500 voluntarios para a súa Gran Recollida Solidaria
Por Redacción |