Ángel Moldes asegura que o 50% de proxectos do Plan Concellos presentados por alcaldes do PP están sen resposta
Por Redacción
O Partido Popular levará unha moción ao pleno da Deputación previsto para este venres 28 de setembro para denunciar que, segundo o seu criterio, máis do 50% dos proxectos presentados ao Plan Concellos 2018 polos municipios gobernados por alcaldes da súa formación seguen sen ter resposta do ente provincial.
Esta situación, asegura Ángel Moldes, afecta a 168 proxectos, o que supón 8 millóns de euros de montante económico sen resolver polo goberno provincial.
"A Deputación ten paralizados máis da metade dos investimentos para os concellos desta provincia", critica Moldes.
O portavoz popular declarou ademais que "xa sabemos que a presidenta non lle gusta que digamos estas cousas e posiblemente mañá salga publicamente ameazando de novo con levarnos ao xulgado dicindo que a difamamos e demais, pero aí está a realidade".
Na moción que presentará o Partido Popular ínstase o goberno da Deputación a que axilice a tramitación destes expedientes, o que "ten unha fácil solución a través do incremento do número de persoal dedicado a estes mesteres porque senón cabe a posibilidade de que esteamos a asistir a unha actuación presuntamente intencionada", acusou Ángel Moldes.
Relacionadas:
-
Ángel Moldes critica o "reparto arbitrario" que fan Carmela Silva e César Mosquera cos fondos provinciais
Por Oskar Viéitez |
-
Carmela Silva, ao PP: "Non vou a consentir nin unha calumnia máis. Decidirán os xulgados"
Por Alejandro Espiño | Creada e actualizada
-
Os populares critican que no Plan DepoRemse "o 75% dos proxectos de concellos do PP son excluídos"
Por Oskar Viéitez |