Amarante propón o troco de produtos como alternativa de consumo
Por Redacción
Este ano, Amarante Setem, a Organización Galega de Cooperación para ou Ecodesenvolvemento, dedicou o Día do Comercio Xusto á temática do xénero e así mostrárono no Mercado transparente que organizaron na Praza de Ourense onde se podían ver paneis informativos sobre a situación da muller acompañados das altenativas que permiten outras condicións dignas de traballo e de vida.
Neste mercado houbo un recordo ás traballadoras do téxtil falecidas en Bangla Desh coa instalación dunha tea negra con velas que simbolizan as 700 persoas mortas con etiquetas das empresas involucradas no derrubamento da fábrica.
Ao mesmo tempo, este mercado na rúa serviu para mostrar, segundo informa Amarante Setem, que é posible outro modelo de comercio e outra forma de entender o mercado a través do traballo nos que a muller é o centro tanto no Norte coma no Sur con paneis sobre testemuños e exemplos de Ecuador, India, Chiapas e Galicia.
A organización aposta, ademais, por fórmulas nas que os traballadores cobren salarios dignos e é partidaria dun sistema de troco como alternativa ao sistema actual de consumo.
Produtoras do Sindicato Labrego Galego e ou grupo de consumo A Gradicela colaboraron nesta actividade que se desenvolvía durante a xornada do sábado.