Luz verde de Patrimonio á rehabilitación do Pazo de Quintáns
Por Redacción
O Consello Territorial de Patrimonio Cultural de Pontevedra emitiu un ditame favorable á rehabilitación do Pazo de Quintáns, en Noalla, ao entender que o proxecto que impulsa o Concello de Sanxenxo cumpre as determinacións da Lei de Patrimonio Cultural e do PXOM.
Esta resolución chega despois da redacción do proxecto, por parte de Mario Crecente e Asociados Consultores, no que se describen todos os traballos que se van a realizar no pazo.
A filosofía principal do proxecto será manter as estruturas orixinais do pazo, non derrubando fachadas nin cubertas, nin modificando ocos ou abrindo outros novos.
Consérvanse neste conxunto o pazo, a capela, as construcións auxiliares e o hórreo; ademais dos espazos verdes: patrios, praza frontal, xardín e horta, todos eles cunha configuración adquirida desde finais do século XVI.
O edificio do pazo, que se atopa en mal estado, consta de dúas edificacións encostadas construídas en distintas épocas, a máis antiga do século XVII, cunha extensión total de 540 metros cardrados. Na súa arquitectura destaca un portalón, unha galería acristalada e unha escaleira entre outros elementos.
Pola súa banda a leira, asegura o goberno local, ofrece grandes posibilidades a través dunha recuperación paisaxística que permitirá convertela nun xardín botánico que complemente a actividade cultural propia do Museo da Paisaxe Cultural da Lanzada que albergará o edificio principal.
Relacionadas:
-
Os xardíns do Pazo de Quintáns, en plena limpeza
Por Redacción |
-
Sanxenxo dispone de 1,9 millones de euros para la rehabilitación del Pazo Quintáns
Por Redacción |
-
O Concello adxudica a redacción do proxecto básico e de execución do Pazo de Quintáns
Por Redacción |
-
Fomento destina 903.000 euros para a rehabilitación do Pazo de Quintáns
Por Redacción |