O PP de Poio propón á Comunidade de Montes de San Xoán a designación do Bosque de Colón como Espazo Natural Protexido
Por Oskar Viéitez
O voceiro do Partido Popular en Poio, Ángel Moldes, acompañado da concelleira Rocío Cochón, o presidente da Comunidade de Montes de San Xoán, José Rodríguez Couselo, e Alberto Villaverde e Marcial García, en representación da directiva da Comunidade, compareceron este venres no Bosque de Colón, no Monte Castrove, para anunciar a súa colaboración para que esta plantación de 500 sequoias vermellas californianas, a maior de Europa desta especie, chegue a ter a consideración de "Espazo natural protexido" pola Xunta de Galicia.
Os populares prestarán asesoramento técnico aos comuneiros que son os titulares do Bosque de Colón e os seus principais coidadores desde 1992.
O Bosque de Colón pasaría a ter a consideración de EPIN (Espazo Privado de Interese Natural) e obxecto de protección ambiental desde o momento da admisión a trámite.
Para Ángel Moldes, este proceso é a continuación lóxica das iniciativas do PP de Poio para poñer en valor este patrimonio único de Poio, despois de instar á declaración de 2017 como "Ano do Bosque de Colón" e invitar aos seus creadores para conmemorar o 25 aniversario.
Tras revisar a documentación, a directiva da Comunidade de Montes coincidiu cos populares en que o Bosque cumpre sobradamente criterios históricos, culturais, naturais e de interese científico para que a Consellería proceda á súa declaración como Espazo Protexido.
Relacionadas:
-
O Bosque de Colón en San Xoán de Poio, candidato a Espazo Natural Protexido
Por Redacción |
-
Programan visitas teatralizadas ao Bosque das Sequoias
Por Oskar Viéitez |
-
O PP de Poio propón celebrar en abril unha homenaxe a John Harmon McElroy, propulsor do Bosque de Colón
Por Redacción |
-
O PP critica o "desprezo" do Concello de Poio ao 25 aniversario do Bosque de Colón
Por Redacción |