Queixas pola reforma da N-541 ao seu paso por Calvelo en Tenorio
Por Redacción
Veciños de Calvelo, en Tenorio, dentro do municipio de Cerdedo-Cotobade mostraron a súa preocupación ante a reforma que se acomente da estrada Nacional 541. Sinalan que non se recolleron as peticións demandadas pola veciñanza e tan só se instalou un sinal de límite de velocidade a 50 quilómetros por hora para ese tramo.
Con todo, os residentes indican que teñen dificultades para cruzar esta vía que conta con máis carrís. Denuncian a falta dun paso elevado ou subterráneo e a presenza dunha rotonda que ofreza máis seguridade á circulación tanto dos vehículos como dos peóns. Así llo manifestaron aos concelleiros socialistas Regina Sobral, Lina Garrido e Andrés Rodríguez que visitaron a zona, acompañados polo deputado Guillermo Meijón.
Os veciños tamén indican que aqueles condutores que utilizan o cruzamento da saída á N-541 na zona de arriba de Calvelo contan con escasa visibilidade para poder incorporarse á estrada, sen que se observen solucións cando as obras atópanse na súa fase final.
Os representantes socialistas esixen ao presidente de Cerdedo-Cotobade, Jorge Cubela, que pida solucións ao Ministerio de Fomento, responsable da obra. O orzamento desta reforma ascende a 700.000 euros.
Relacionadas:
-
Jorge Cubela denuncia que un poste eléctrico bloquea a rotonda oeste de Cerdedo desde hai sete meses
Por Redacción |
-
Piden a creación dunha senda peonil entre Calvelo e o IES de Tenorio
Por Redacción |
-
Melloras de seguridade para os peóns de Tenorio
Por David Arana |
-
Fomento comprométese coas dúas rotondas de Cerdedo e a mellora do enlace de Calvelo
Por Redacción |
-
O enfado dos veciños de Calvelo chega ao Congreso
Por Oskar Viéitez |
-
Continúan as obras do enlace de Calvelo en Tenonio ao expropiar a última propiedade afectada
Por Redacción |
-
Cubela axiliza as actas previas para acadar a derradeira finca afectada pola construción do enlace de Calvelo
Por Redacción |