
© Concello de Ponte Caldelas
Ponte Caldelas consumiu 100.000 litros de auga para loitar contra os lumes

Por Redacción

© Concello de Ponte Caldelas

© Concello de Ponte Caldelas
O Concello de Ponte Caldelas enfróntase aos problemas de abastecemento de auga derivados dos incendios do domingo neste municipio. Despois de celebrar un encontro coas comunidades de augas autorizaba o pago e subministración urxente de máis de 3,5 quilómetros de tubo de goma para a reposición completa de todas as traídas veciñais.
Regodobargo, Gradín e A Roca atópanse aínda sen auga. O goberno local espera que antes da fin de semana queden resoltas as incidencias. Durante estes días logrouse ir recuperando, a distintos niveis, o servizo en Cuñas, Chaín e A Insua.
O Concello encargarase de cubrir os gastos da subministración das mangueiras, empalmes e accesorios, co obxectivo de axudar os veciños afectados.
Grazas ás choivas destes últimos días, os mananciais recuperaron a auga despois da longa etapa de seca que xa fora causante de cortes parciais na subministración.
O goberno local calcula que durante a xornada do domingo e o luns utilizáronse máis de 80.000 litros de auga para o funcionamento das motobombas coas que se fixo fronte ao lume e os dous alxibes de reabastecimiento, un deles municipal e outro cedido pola empresa Caldevergazo. A esta cantidade de auga hai que sumar a que empregaron os veciños para impedir o avance das lapas.
Durante o encontro mantido polo equipo de goberno cos veciños este mércores tratouse tamén o tema da preparación de documentación necesaria para solicitar as axudas autonómicas para a mellora das traídas e a posta en servizo de novas captacións.
Relacionadas:
-
Ponte Caldelas pide doazóns de forraxe para poder alimentar ao gando tras os incendios
Por Redacción |
-
Ponte Caldelas, implicada ao máximo na axuda aos afectados polos incendios
Por Redacción |
-
Ponte Caldelas coordinará con Cáritas a conta solidaria para os afectados polos incendios
Por Redacción |
-
O motivo "principal" dos incendios, di o PSOE, son os "bandazos" da Xunta coas emerxencias
Por Alejandro Espiño |
-
Ponte Caldelas non está para festas sevillanas
Por Redacción |
-
2.900 hectáreas calcinadas en Ponte Caldelas, 1.500 en Caldas e 500 en Cotobade
Por Oskar Viéitez | Creada e actualizada
-
Ponte Caldelas trata de recuperar a normalidade tras os incendios do domingo
Por Redacción |
-
Ponte Caldelas recadará cartos para os afectados polos incendios
Por Redacción |