Medio Ambiente adxudicará este mes a construción do centro de fauna silvestre de Carballedo
Por Redacción
A construción do centro de recuperación de fauna silvestre que a Xunta proxecta en Carballedo será adxudicada antes de que remate este mes de xuño. Así llo trasladou a directora xeral de Patrimonio Natural, Ana María Díaz, ao presidente da xestora de Cercedo-Cotobade, Jorge Cubela, co que mantivo unha reunión en Santiago.
Os técnicos están a ultimar a análise da documentación das ofertas presentadas ao contrato de licitación desta actuación, por un importe de 700.000 euros.
O novo centro de recuperación de fauna silvestre constará de dúas instalacións próximas.
A primeira edificación, de 286,89 metros cadrados, estará destinada á recepción dos animais, tratamento e atención veterinaria; e a segunda, de 554,48 metros cadrados, será para a recuperación inicial dos animais e outros servizos necesarios que garantan os coidados durante a súa estancia no centro.
O centro está pensado para a recuperación de aves silvestres, pero tamén contará con recursos para o tratamento doutras especies, réptiles e mamíferos especialmente, que se atopen feridos ou enfermos.
Esta instalación estará situada na parroquia de Carballedo, onde xa está instalado o centro ictioxénico e concluír así o complexo ambiental de Cotobade.
A Xunta destaca que a confluencia nun mesmo espazo dos centros de recuperación e repoboación de especies garantirá a eficiencia dos recursos, ademais de que porá o foco no Concello de Cerdedo-Cotobade en canto á atención á fauna, principalmente ás aves, e ao repoboamento do salmón, troita e reo, como xa se fai dende o centro actual de Carballedo.
Relacionadas:
-
O novo centro de recuperación de fauna silvestre estará en funcionamento a finais do verán
Por Redacción |
-
O centro de recuperación de fauna de Carballedo xa está en construción
Por Redacción |
-
A Xunta compromete máis de 5,5 millóns de investimento para sete actuacións en Cerdedo-Cotobade
Por Redacción |
-
Carballedo aspira a ser unha referencia europea no coidado de aves, réptiles e mamíferos
Por Redacción |
-
Os investimentos propios de Cerdedo-Cotobade ascenderán en 2017 a case un millón de euros
Por Redacción |
-
Medio Ambiente licita por 700.000 euros a construción do centro de recuperación de fauna silvestre en Cotobade
Por Oskar Viéitez |