Medio Ambiente adxudica a obra para humanizar os accesos á igrexa de San Pedro de Tenorio
Por Redacción
A Consellería de Medio ambiente adxudicou a obra de humanización, mellora de accesos, pavimentación e formación de beirarrúas no acceso á igrexa de San Pedro de Tenorio por unha cantidade de preto de 70.000 euros.
A obra será realizada por Arines Obras y Proyectos, ao tratarse da proposta máis vantaxosa e cun prazo de execución máis breve. Os traballos realizaranse nun mes a partir do seu inicio.
Este investimento, segundo expón o Concello de Cerdedo-Cotobade, atópase no Plan Hurbe de mellora de espazos urbanos da Xunta de Galicia. A actuación beneficiará ao Mosteiro de Tenorio e ao Vía Crucis do Campo da Feira.
Contémplase o empedrado de toda a rúa para mellorar a imaxe, a rehabilitación do pavimento e a colocación de baldosa hidráulica para recuperar esta zona para as persoas, ademais da renovación dos servizos e a creación dun espazo de lecer.
Jorge Cubela, presidente de Cerdedo-Cotobade, destaca os importantes investimentos realizados pola administración autonómica coa mellora do colexio público e a futura construción da rede e servizo de saneamento.
Relacionadas:
-
Cambios no proxecto obrigan a ampliar as expropiacións para o saneamento de Tenorio
Por Redacción |
-
A Xunta compromete máis de 5,5 millóns de investimento para sete actuacións en Cerdedo-Cotobade
Por Redacción |
-
O acceso á igrexa de San Pedro de Tenorio será reformado cun investimento de 120.000 euros
Por Redacción |