Xa non hai volta atrás. O Concello comprará por 1,1 millóns o local de Ferreiros
Por Redacción
O Concello de Pontevedra segue avanzando na compra do local da rúa dos Ferreiros para unificar os servizos de xestión tributaria, urbanismo e tesourería. A Xunta de Goberno deste luns aprobou o procedemento de contratación para a adquisición do local por un importe de 1.152.000 euros.
O portavoz municipal, Raimundo González, explicou que os técnicos municipais concluiron que non é necesaria a concorrencia competitiva para a adquisición do local e, tras a aprobación no Pleno da Corporación da modificación de crédito necesaria para a adquisición, tan só faltaba levar o asunto á Xunta de Goberno. Este luns era o primeiro día que se podía facer.
Unha vez que se aprobado o procedemento de contratación, empeza a conta atrás para que o Concello engada este local entre as rúa dos Ferreiros e Pardo Bazán ao inventario municipal. Unha vez que o propietario actual, Afundación, acepte, xa poderá formalizarse a compra.
As previsións de Raimundo González son que o próximo mes poida empezarse co expediente das obras de acondicionamento. De momento, aínda pode redactarse un borrador, pero non o proxecto porque o baixo aínda non é propiedade municipal.
Tras a execución deses traballos, prevese que para o primeiro semestre de 2018 xa poida ser unha realidade o traslado ao novo local dos servizos de urbanismo, tesourería e xestión tributaria.
O portavoz do goberno local lembra que a adquición deste local de 1.300 metros cadrados -600 metros na baixa e 700 na alta- supoñerá "unha mellora na prestación de servizos aos cidadáns" e tamén unha mellora das condicións laborais dos funcionarios.
Relacionadas:
-
O local dos Ferreiros xa é de propiedade municipal
Por Alejandro Espiño |
-
O PP propón que se constrúa un edificio na rúa da Barca para acoller as oficinas municipais
Por Anxo Lourido |
-
O espazo libre do Banco de España é para o PP "mejor opción" que o local dos Ferreiros
Por Alejandro Espiño & Mónica Patxot |
-
Ao PP resúltalle "sorprendente" que o BNG non consultara cos sindicatos a compra do local
Por Redacción |
-
A unión entre BNG e Marea permite aprobar a renda social básica e a compra do local en Ferreiros
Por Alejandro Espiño & Mónica Patxot |
-
A compra do novo local do Concello é "inmediata"
Por Alejandro Espiño |
-
O Concello amplía as súas dependencias coa compra dun local na rúa dos Ferreiros
Por Alejandro Espiño |