Ao PP resúltalle "sorprendente" que o BNG non consultara cos sindicatos a compra do local
Por Redacción
Jacobo Moreira cualificou como "sorprendente" que o goberno municipal non consultase cos membros da xunta de persoal do Concello a operación de adquisición dun local na rúa dos Ferreiros para situar nel os servizos de urbanismo e xestión tributaria.
Así o destacou tras reunirse cos representantes sindicais dos funcionarios da administración municipal que, segundo traslada o PP, coinciden con eles en que esta compra é un "erro" que non solucionará os problemas de dispersión existentes na actualidade.
"A opción ideal é un edificio que congregue todos os servizos", reiterou o portavoz popular, que anunciou que "seguiremos explorando" as posibilidades que ofrece o antigo Banco de España, pola súa proximidade co edificio municipal de Michelena 30.
Moreira trasladou aos sindicatos, na reunión celebrada este xoves no Concello, que o novo local converterase nun futuro nunha "carga" para as arcas municipais, polo que reiterou a súa aposta pola "alternativa" que supón as dúas plantas que están baleiras no Banco de España.
Relacionadas:
-
O PP propón que se constrúa un edificio na rúa da Barca para acoller as oficinas municipais
Por Anxo Lourido |
-
O espazo libre do Banco de España é para o PP "mejor opción" que o local dos Ferreiros
Por Alejandro Espiño & Mónica Patxot |
-
Xa non hai volta atrás. O Concello comprará por 1,1 millóns o local de Ferreiros
Por Redacción |
-
Moreira buscará o apoio dos funcionarios para frear a compra do novo local municipal
Por Alejandro Espiño |
-
A unión entre BNG e Marea permite aprobar a renda social básica e a compra do local en Ferreiros
Por Alejandro Espiño & Mónica Patxot |
-
Os socialistas ven "inadmisible" que o Concello compre un local en Ferreiros
Por Alejandro Espiño |