O PP critica o atraso na construción do parque infantil de Médico Ballina
Por Redacción
O grupo municipal do Partido Popular no Concello de Pontevedra critica o atraso acumulado polo goberno local respecto ao proxectado parque infantil de Médico Ballina, unha obra que "xa figuraba no orzamento de 2016 e non se executará previsiblemente ata o próximo ano".
Ademais, reprochan que o anuncio do goberno local sobre este parque infantil de Médico Ballina non recolle ningunha das suxestións realizadas polos veciños na asemblea celebrada en novembro de 2015, onde pedían canchas de baloncesto e fútbol.
Para os populares é unha "tomadura de pelo" o anuncio realizado polo concelleiro Luís Bará sobre os parques infantís de Campolongo e Médico Ballina porque non avanzaron "nin un ápice" da súa licitación, polo que ven neste proxecto outra mostra da "parálise" do departamento que encabeza o edil nacionalista.
"Hai uns días anunciaron de novo a reforma do contorno da ponte do Burgo aínda que non teñen o proxecto finalizado, aínda que non incluíron a rúa da Santiña e non realizaron xestión algunha cos propietarios da gasolineira, a pesar de que o propio Bará comprometeuse a isto en agosto de 2016", denunciou o concelleiro popular César Abal.
Relacionadas:
-
Fartos de agardar por un parque infantil en Médico Ballina
Por Anxo Lourido |
-
O PP quere saber cal é o proxecto de Lores para este mandato
Por Oskar Viéitez |
-
Os socialistas reclaman melloras para o barrio do Burgo
Por Oskar Viéitez |
-
Campolongo e Médico Ballina completarán a rede de parques infantís de Pontevedra
Por Alejandro Espiño |
-
O PP denuncia a parálise das áreas encomendadas ao concelleiro Luis Bará
Por Oskar Viéitez |