![](/web/cache/scene/uploads/fotos/foto/960/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/58665cc1a5-2016130-patxot-ccoo-elnosa-468.jpg)
© Mónica Patxot
Os traballadores de Elnosa intensificarán en 2017 a súa campaña contra o BNG
Avelino García, presidente do comité de empresa de Elnosa, é claro: o persoal da electroquímica va a intensificar a campaña en defensa da empresa para contrarrestar os ataques que reciben do BNG e das outras agrupacións políticas (PSOE e Marea), como a proposta non de lei presentada esta semana pola agrupación nacionalista no Parlamento galego para que a clorera cesase a actividade na ría. E a primeira acción que teñen previsto executar será durante os días 3 e 4 de xaneiro cunha marcha a Santiago. Os traballadores partirán, na súa maioría a pé, o martes 3 ás 08.30 horas do Concello de Pontevedra e trasladaranse nesta primeira xornada ata Padrón. A segunda será desde Padrón ata a capital de Galicia cunha protesta ante a sede do BNG.
Os representantes sindicais afirman que a dirección da empresa está disposta a seguir co seu plan de cambio tecnolóxico e calculan que en febreiro contarán coa autorización ambiental integrada. Entenden que se abren dúas opcións para a empresa. A primeira consistiría en obter unha moratoria para adaptar o actual sistema de mercurio coa consecuente transformación da factoría electroquímica. A segunda opción contempla o desmantelamento do actual sistema de maneira que a empresa dedicaríase en Lourizán a elaborar hipoclorito sódico temporalmente.
José Luis García Pedrosa, secretario comarcal de Comisións Obreiras, alertan de que os traballadores continuarán na pelexa contra o goberno local e contra a súa oposición ao mantemento de Elnosa na súa actual localización. E destacou que a campaña que está a levar a cabo o persoal foi determinante no cambio de actitude por parte da Xunta de Galicia e por parte da propia dirección da empresa para apostar polo seu mantemento na ría pontevedresa.
Expectativas do comité de empresa de Elnosa en 2017
Avelino García. Presidente do comité de empresa de Elnosa
© PontevedraViva
Relacionadas:
-
Escrache ao alcalde a seis meses da data límite para Elnosa en Lourizán
Por Mónica Patxot & Anxo Lourido |
-
Traballadores de Elnosa comezan a súa peregrinaxe a Compostela: "Ninguén nos vai intimidar"
Por Redacción | Creada e actualizada
-
O voto en contra do PP impide aprobar no Parlamento unha proposición non de lei do BNG sobre Elnosa
Por Redacción |
-
A xustiza avala a renovación da autorización ambiental integrada de Elnosa
Por Redacción |
-
Os traballadores de Elnosa "torturan" o goberno de Lores con música de Pimpinela
Por Mónica Patxot & Anxo Lourido |
-
Elnosa presentará a solicitude da autorización ambiental a primeiros de 2017 e mantén a súa loita co Concello
Por Anxo Lourido |