Limpisa acepta negociar coas súas traballadoras unha saída ao conflito
Por Diego Espiño
A dirección de Limpisa-Grupo Norte, empresa encargada da limpeza en edificios da Xunta en Galicia e Madrid, negociará co seu plantel pontevedrés esta e a próxima semana para poñer fin ao conflito aberto polo despedimento de tres empregadas.
Ante este novo panorama as traballadoras desconvocaron as protestas que ían realizar nos próximos días para intentar facilitar un acordo satisfactorio, que podería pasar mesmo, segundo o secretario xeral de FES-UGT Galicia Ernesto Fontanes, pola recolocación noutros centros de traballo, "para nosotros esto pasa porque las trabajadoras no pierdan su empleo, pero llegado el caso podríamos aceptar una recolocación si el despido se revierte".
A representación laboral asegura que cos despedimentos Limpisa inclumple por unha parte o acordo co seu plantel, no cal as traballadoras aceptaran rebaixarse o soldo a cambio de non existir saídas, e por outra o prego de condicións do concurso público da Xunta, que establece o número de persoal necesario para realizar o traballo.
Relacionadas:
-
Os traballadores de limpeza da Xunta manterán as súas protestas ata que se cumpran os seus dereitos
Por Oskar Viéitez |
-
Volven as concentracións de traballadores de Limpisa en protesta pola non readmisión de 3 empregadas
Por Redacción |
-
A representación laboral en Limpisa esixe a readmisión das traballadoras despedidas
Por Diego Espiño |
-
Limpisa despide ás viúvas dos traballadores arroiados polo tren en Valga
Por Anxo Lourido |