Nova xornada de limpeza simultánea de ríos en toda Galicia
Por Redacción
A IX limpeza simultánea "Móllate polos ríos" celebrarase este ano en 44 concellos de toda Galicia, e participarán un total de 56 entidades (asociacións, comunidades de montes, colectivos ecoloxistas, delegacións de Adega, centros de ensino) e tamén sete concellos que organizan directamente esta actividade.
Algúns destes grupos xa participaron nas limpezas de anos pasados e outros son grupos participantes no Proxecto Ríos. Tamén hai novas entidades que se sumaron por primeira vez a esta novena edición.
A limpeza, que será o 2 de outubro, mobilizará a numerosos voluntarios que se desprazarán aos ríos para deixalos libres de lixo, nunha xornada de voluntariado ambiental e concienciación social.
Para levar a cabo a actuación existe un protocolo de limpeza de ríos co fin de ofrecer unhas pautas sobre cómo se debe facer unha limpeza ecolóxica nos ecosistemas fluviais. Tamén se agasallará aos voluntarios con unhas camisolas co lema da limpeza.
En Pontevedra participan: Vaipolorío, a Fundación Juan XXII, e Xuntos Asociación Síndrome de Down; en Ribadumia, o Colectivo Ecoloxista do Salnés; en Poio, a Plataforma Veciñal de Samieira; en Meis o Colexio de Mosteiro-Meis e ANPA A Capela; en Marín, o Grupo Cultural Ronsel; en Cuntis, a Asociación "O Fervedoiro"; en Caldas de Reis, os Independientes de Caldas de Reis, e en Barro, A Barosa.
O Proxecto Ríos xa leva organizando dende o 2008 este día de limpeza simultánea en numerosos concellos de Galicia
Relacionadas:
-
Festa e reivindicación polo Día internacional da Síndrome de Down
Por Oskar Viéitez & Mónica Patxot |
-
O Pazo da Cultura acollerá o 4 de xaneiro a gala de Xuntos
Por Redacción |
-
Seis novas empresas da cidade contratan a usuarios de Down Xuntos
Por Redacción |
-
640 persoas retiran máis de 12 toneladas de residuos nunha limpeza simultánea de ríos
Por Oskar Viéitez |
-
Xornada de limpeza dos nosos ríos
Por Redacción |
-
Retiran case 900 quilos de lixo nos ríos da comarca durante unha soa xornada de limpeza
Por Redacción |
-
Vaipolorío súmase á limpeza simultánea do Proxecto Ríos e retira 600 quilos de lixo do Gafos
Por Redacción |
-
Ríos de Cuntis, Poio e Pontevedra lavan a cara nunha xornada de limpeza simultánea en toda Galicia
Por Natalia Puga |