A Policía Local reclama 150 euros mensuais para equipararse aos funcionarios da súa categoría
Por Anxo Lourido
Ao redor de 50 axentes da Policía Local concentráronse ante o edificio do Concello de Pontevedra portando unha pancarta na que se lía "Loitamos polo que é xusto" e facendo soar chifres e bucinas. Esta protesta englóbase nas mobilizacións que a asemblea da Policía Local decidiu poñer en marcha ante a falta de negociación por parte do Concello de Pontevedra. Os axentes reclaman unha equiparación salarial cos funcionarios do seu mesma categoría. Iso supoñería unha mellora salarial de 150 euros na nómina que cobran actualmente.
Antonio Millares, portavoz de Comisións Obreiras, sinalaba que por parte do concelleiro de Persoal, Vicente García Legísima, non se deron pasos para tentar buscar unha solución a un conflito que, segundo o responsable sindical, leva camiño de agravarse.
A intención dos manifestantes era coincidir coa comitiva italiana que visita durante estes días Pontevedra, co pedagogo Francesco Tonucci á cabeza. Con todo, os axentes non lograron o seu propósito porque a delegación procedente de Lazio modificou os itinerarios previstos inicialmente. En todo caso, concentráronse na Casa da Luz onde se atopaban os visitantes italianos. Millares explicaba que o que queren é que estes visitantes coñezan tamén a "outra cara" da cidade e non só aspectos positivos. Alí, o alcalde sinalaba que este tema ten que tratarse nunha negociación conxunta co resto de funcionarios municipais, mentres que os representantes sindicais da Policía reclaman unha mesa de diálogo específica, na que tamén se traten as melloras en equipamentos.
A próxima protesta dos policías levará a cabo no pleno deste mes e, a finais de setembro, a Policía Local manterá unha nova asemblea para decidir un calendario de futuras protestas para forzar a negociación co goberno local de Pontevedra.
Relacionadas:
-
A xunta de persoal de funcionarios municipais pide a negociación do novo organigrama interno
Por Redacción |
-
"No sé si sería más fácil negociar con Trump que con algún miembro del gobierno local"
Por Natalia Puga & Alejandro Espiño & Mónica Patxot |
-
A Policía Local protestará reducindo servizos en educación vial e violencia de xénero
Por Anxo Lourido |
-
Retan a García Legísima a que rexeite a equiparación salarial ante a asemblea da Policía Local
Por Mónica Patxot & Anxo Lourido |
-
A Policía Local denuncia os problemas de espazo e térmicos das instalacións da Xefatura de Pontevedra
Por Mónica Patxot & Anxo Lourido |
-
Os representantes sindicais da Policía Local citan os grupos da oposición para tratar o seu conflito laboral
Por Redacción |
-
García Legísima convoca á Policía Local para tratar o conflito aberto
Por Mónica Patxot |
-
Axentes da Policía Local asisten ao pleno para reclamar unha mellora salarial e laboral
Por Cristina Saiz & Anxo Lourido |