Xa está aquí o plan de mellora da contorna do Lago de Castiñeiras
Por Redacción
A Consellería de Medio Ambiente acaba de poñer en marcha o plan de mellora da área do Lago Castiñeiras en Vilaboa e Marín, seguindo a liña do acordo ao que se chegou coas comunidades de montes e os concellos. As obras consistirán na reparación do camiños existentes cun investimento de 60.000 euros.
Segundo anunciou o delegado territorial da Xunta en Pontevedra, José Manuel Cores Tourís, nas últimas horas visitaron a zona os técnicos da empresa adxudicataria dos traballos e os da Xefatura Territorial de Medio Ambiente para executar o replanteo das melloras, que se iniciarán a próxima semana.
En relación coas obras, indicou que a gran cantidade de auga superficial no entorno do lago de Castiñeiras-Cotorredondo invita a creación de novas infraestruturas viarias evitando as zonas encharcadas ou mellorando as infraestruturas viarias existentes e para iso é necesaria a clasificación das vías para a súa construción ou repaso das existentes para a súa explanación.
Os traballos consistirán na explanación dos camiños interiores desta área, eliminando previamente a vexetación e aplicando unha capa de zahorra compactada para evitar a erosión dos camiños pola auga, o que garantirá unhas condicións mínimas de estabilidade. Para rematar, incluirase a construción de cunetas e a instalación de elementos destinados ao drenaxe lonxitudinal que recollan e canalicen a auga procedente de augas pluviais caídas sobre a explanación.
As obras tamén suporán a instalación de pasos que faciliten o tránsito polo interior do xardín debido a gran cantidade de pequenos cursos de auga existentes. Con este obxectivo instalaranse nove pequenas pontes de madeira de pino silvestre de distintas dimensións.
Relacionadas:
-
A Deputación concederá unha axuda para crear o parque forestal Miradoiro de Cotorredondo
Por Redacción |
-
Medio Rural dá luz verde á instalación de asadores no Lago de Castiñeiras
Por Redacción |
-
Así serán os novos asadores do Lago de Castiñeiras
Por Oskar Viéitez |
-
Este mes rematará o acondicionamento dos sendeiros no Lago de Castiñeiras
Por Redacción |
-
As comunidades de montes presentarán un Plan Director para a mellora do Lago de Castiñeiras
Por Oskar Viéitez |
-
As comunidades de montes proxectan un xardín botánico para reformar o Lago de Castiñeiras
Por Anxo Lourido |
-
Arrancan as tarefas de mellora no entorno do Lago Castiñeiras
Por Redacción |