Cuntis, A Illa e Vilagarcía reciben axudas da Deputación para actividades sociais
Por Redacción
A Xunta de Goberno da Deputación de Pontevedra vén de aprobar novas axudas para os municipios da provincia dentro da liña 3 do Plan Concellos 2016, que financia actividades culturais, deportivas, sociais, turísticas e medioambientais. Entre os municipios que percibirán os importes aprobados están Cuntis, A Illa e Vilagarcía de Arousa.
Con estas novas achegas, está a piques de completar a totalidade prevista para a liña 3 do Plan Concellos. En concreto, o grao de execución no que vai de ano é do 90%, cuns investimentos ata agora de 1.342.439,65 euros.
Segundo as achegas aprobadas, o Concello de Cuntis percibirá 10.845,43 euros para financiar os programas Cuntis Arte-Sano e Habilitas Fogar. Na Illa investiranse 1.300 euros para as actividades Sociais-arte e Memoria 2016. Vilagarcía vai recibir 6.856 euros para o programa de actividades no eido da igualdade e prevención da violencia de xénero.
Relacionadas:
-
O goberno de Carmela Silva investiu este ano en Vilagarcía preto de dous millóns de euros
Por Redacción |
-
Cuntis completa o Plan Concellos con 50.000 euros para obras e recibe un novo préstamo
Por Redacción |
-
Vilagarcía investirá 700.000 euros da Deputación nunha escola infantil para Vilaxoán
Por Redacción |
-
Poio e Bueu reciben novas achegas da Deputación
Por Redacción |
-
Barro, Marín, Moraña, O Grove e Vilaboa avanzan na execución do Plan Concellos
Por Redacción |
-
O goberno da Deputación aproba achegas para A Illa de Arousa, Sanxenxo e Moraña
Por Redacción |