A Boa Vila súmase a 'Love your local market'
Por Redacción
Preto de 40 prazas de abastos da provincia de Pontevedra celebran este sábado día 28 de maio o Día dos Mercados, no marco da campaña internacional Quere o teu mercado local (Love Your Local Market) que en Galicia impulsa a Xunta en colaboración co sector e os concellos.
A directora xeral de Comercio, Sol Vázquez Abeal, que visitou este xoves a praza de abastos pontevedresa, sinalou que a provincia está a ser a máis activa nunha iniciativa que chega nesta edición a preto de 90 mercados de toda a comunidade.
Ao longo das últimas semanas lévanse realizado actividades nos diferentes mercados que culminarán pasado mañá cunha celebración coa que se pon o foco na calidade e a profesionalidade das prazas galegas e o seu papel como motor do comercio de proximidade.
Entre as distintas actividades que se están a celebrar por toda Galicia inclúense degustacións gastronómicas, actuacións musicais e teatrais, charlas informativas e iniciativas nas redes sociais, ou sorteo de agasallos, entre outros.
CAMPAÑA INTERNACIONAL
Quere o teu mercado local (Love Your Local Market), con orixe no Reino Unido, está promovido a nivel internacional pola World Union of Wholesale Markets, e este ano conta coa participación de mercados de España, Reino Unido, Francia, Alemaña, Holanda, Polonia, Italia, Irlanda, Bélxica, Grecia, Dinamarca, Suecia, Hungría, Serbia, Hong Kong, Estados Unidos e Canadá.
A iniciativa leva nesta edición a nivel internacional o lema Mercados, a túa opción saudable!, facendo fincapé sobre a contribución das prazas de abastos tanto a unha alimentación equilibrada como á creación de riqueza e emprego.
Relacionadas:
-
Mercar na praza de abastos de Ponte Caldelas ten premio
Por Redacción |
-
Os Mercados de Abastos celebran o seu Día Europeo
Por Anxo Lourido |
-
Bueu celebra esta fin de semana o mercado do pan
Por Redacción |
-
Van os políticos ao Mercado de Abastos como clientes?
Por Mónica Patxot & Anxo Lourido |
-
Marín "quere" ao seu mercado
Por Redacción |