O PP reitera que o Concello paga máis do que debería a Cespa polo servizo de recollida de lixo
Por Redacción
O voceiro do Partido Popular, Jacobo Moreira, insistiu este martes en que o Concello de Pontevedra paga máis do que debería a Cespa, a empresa adxudicataria do servizo de recollida de lixo e limpeza viaria da cidade. E todo porque, segundo se recolle nun inventario oficial, 45 dos 73 vehículos adscritos ao contrato xa son propiedade municipal.
"Esto no lo entiende nadie, pagar por algo que ya es tuyo", sinalou Moreira, para o que esta situación é unha "irregularidad flagrante" y una "falta de respeto" aos funcionarios municipais, porque asegura que esta circunstancia "no fue trasladada" ao servizo de Intervención para que tivesen en conta esta información á hora de redactar a prórroga do contrato.
Ante esta situación, os populares consideran que queda corroborado que a prórroga supuxo un "importante lucro" para a empresa, que a decisión de conceder a prórroga foi do goberno municipal, e que "estamos pagando por unos vehículos que ya son nuestros".
"Cuantos más datos conocemos sobre estas prórrogas mayor es nuestra preocupación", destacou Jacobo Moreira, que recordou que os pontevedreses pagan a taxa de lixo "más alta de Galicia" a unha empresa que está a recibir un beneficio "superior al que le corresponde".
Esta situación merece, segundo os populares, unha "explicación" por parte do goberno municipal. "Que piensen bien la respuesta porque cada vez que hablan es para decir una mentira", sinalou o portavoz do PP.
Se estas explicacións non son suficientes para eles, o PP non descarta "nada" como levar o asunto á Fiscalía porque, segundo reiterou, "son millones de euros".
"Veremos dónde acaba esto", concluíu Moreira.
Relacionadas:
-
Ameazan cunha folga na recollida de lixo ante o bloqueo na negociación do convenio colectivo
Por Oskar Viéitez |
-
PP e BNG discrepan sobre un posible "pelotazo" nas prórrogas do contrato do lixo
Por Redacción |
-
Expedientan a Cespa por non comparecer ante o Concello para informar sobre as contratacións
Por Natalia Puga |