Cuntis reclama a Augas de Galicia o arranxo do paseo do río Gallo
Por Redacción
O Concello de Cuntis reclama a Augas de Galicia, o organismo da Xunta,a reparación do paseo do río Gallo, que sufriu danos con motivo dos últimos temporais e das inundacións. O goberno local indica que procederá de forma inmediata á reparación deste paseo coa mellora do tempo, despois das reclamacións veciñais.
Para a mellora do paseo é necesaria a retirada de lodos e de capa vexetal depositada sobre o carreiro durante o anegamento. Ao mesmo tempo, o goberno local sinala que, entre outras accións, é necesaria a retirada de tubaxe da canalización eléctrica esmagada e danada e de arquetas eléctricas.
O Concello de Cuntis tamén procedeu a reparar o colector de entrada da depuradora da Casiña, eliminando os problemas de verteduras que se producía polo atasco do tubo de entrada. Ademais, os operarios procederon á limpeza da fosa.
Relacionadas:
-
Augas de Galicia só se compromete a "estudar" as demandas do Concello de Cuntis
Por Oskar Viéitez |
-
Un proxecto piloto buscará solucións ás inundacións do río Gallo en Cuntis
Por Redacción |
-
Cuntis e Ponte Caldelas, con ríos desbordados e casas anegadas por segundo día consecutivo
Por Redacción | Creada e actualizada